فتح طه إسماعيل نجم الأهلي ومنتخب مصر الأسبق، النار على الأحمر عقب الخروج من بطولة كأس مصر بعد الخسارة أمام المصرية للإتصالات في دور الـ32.
وقال إسماعيل خلال مداخلة هاتفية ببرنامج “ملعب أون”، عبر قناة “أون سبورت”: “لا توجد أى خطة واضحة للفريق أو جملة فنية أو تكتيكية داخل الملعب، وهناك لاعبون تطلب عقود مبالغ فيها رغم ضعف إمكانياتهم”.
وتابع:” مقومات الفريق من حيث الجماعية وبناء الهجمة حتى واجبات المراكز مش موجوده في الاهلي”.
وشدد إسماعيل: “لو دول مستقبل الاهلي فدي مشكله كبيره جدا، على عكس المنتخب في مباراته مع جنوب إفريقيا اكبر سمة كانت الصفات الاراديه والالتحامات والقتال في كل كره، دي عوامل مهمه قبل النواحي الفنيه ممكن لعيبه امكانياتها عاليه ولكن ليس لديها قتال وجديه، دي امور مفتقده في لاعبي الاهلي”.
وأكمل:” في لاعبين في الأهلي عفى عليها الزمن ، هناك عناصر لا تصلح لارتداء تيشيرت الأهلي، الأهلى بكل أمانة يحتاج إعادة النظر في ملف كرة القدم كاملاً مش بس الفريق الأول لا الناشئين و الصفقات الأجانب، مفيش جملة النهاردة في الملعب و حاجات كتيره مش موجودة”.
واردف إسماعيل:” الاهلي محتاج وقفه، بعد نهائي افريقيا بين الزمالك والاهلي كان المفروض اربي جيل بمشروع وعلى مستوى عالي، اختارهم و أربي فيهم الروح اللي عاوزها “.
وواصل:” الفريق الاول مفيش تجانس ومحتاج وقفه والمدرب عاوز يشوف كل الاعمار علشان يحدد صفقاته والعملية مش تمشي ترميم شويه واجيب صفقتين او محترفين، انا بتكلم على عناصر كتيره الاهلي محتاجها”.
وزاد إسماعيل:” في اجتماعات ومحاولات ولكنها اجيب صفقتين او تلاته وخلاص لا، عاوز ابني من تحت والعناصر الصغيره وكيفيه رعايتهم وانتقي لعيبه صغيره علشان اعمل فريق جيد، الفريق اي كلام”.
وأختتم: “ممكن تلعب ومتكسبش لكن تلعب منظم وتعرف تهاجم وتدافع، في الأهلي هناك من يطلب عقود مبالغ فيها رغم ضعف إمكانياته”.
