كشف الناقدالرياضي عبداللطيف غوزي، الخطأ الأكبر لحلمي طولان، المدير الفني لمنتخب مصر الثاني، بعد الإخفاق في بطولة كأس العرب والخروج من دور المجموعات.
وقال فوزي،خلال تصريحات تليفزيونية عبر برنامج “حصاد الأسبوع”على قناة نادي” الزمالك”: “عشان كده أرجع أقولك إن النتائج تتحملها المنظومة بالكامل، مش فرد واحد بس، مصر مش متعودة تخرج من دور المجموعات في البطولات المجمعة، حتى في آخر نسخة من أمم أفريقيا اه انت مكسبتش بس اتأهلت… اتأهلت اتأهلت برضه”.
وأضاف:” صعب جدًا إن مصر تشارك حتى بتيم ثاني محلي ومتتأهلش من دور المجموعات خصوصاً إن كل المنتخبات اللي معاك اقل منك تصنيف وفي منتخب بيلاعبك بالاحتياط… دي حاجة محبطة “.
وردا على سؤال،” هل شايف إن كابتن حلمي طولان في بعد الكلام اللي قاله في المؤتمر الصحفي ده، إن هو كان من باب أولى المفروض يقدم استقالته قبل خوض البطولة على كلامه إن الناس متعاونتش معاه مسعدتوش؟ ولا هو كان خلاص اتحط أمام أمر واقع وفي مرمى النيران ومكنش ينفع إن هو يقدم استقالته؟”
أجاب فوزي:” لعبة الكرة قبل ما تكون فنية هي لعبة نفسية… لو الضغوط بالشكل ده، مش لازم أقول يقدم استقالته، لأنها ممكن تتحسب عليه إنه بيهرب من المسؤولية قبل البطولة اكيد “.
وشدد:” كان مهم جدًا إنه كان يعمل مؤتمر صحفي قبل البطولة ويشرح للجمهور ظروفه كلها سواء في لعيبه رفضت تتنضم ليه مخدشي لعيبه متاحه قدامه وكل حاجه… ويقول إنه اعتمد على اللاعيبة دي وواثق فيهم وده كان هيفرق”.
وتابع فوزي:” ده كان هيهيّأ اللاعيبة نفسيًا، ويخلّيهم حاسين إنهم قد الثقة قدام الجماهير… وده يصنع حافز كبير لهم في المباريات ويشيل الضغوط من عليهم كمان”.
وشدذ:” النقطة اللي باخدها على كابتن حلمي طولان إنه مطلعش شال الضغوط ووضح قبل البطولة… مينفعش أستنى بعد البطولة عشان أتكلم”.
وأكمل فوزي: “كان لازم الجمهور يعرف من الأول إن فيه صعوبات، وفيه نواقص، واللاعيبة اللي اختارها الأول مش معاه”.
وأردف:” مفيش تنسيق حصل مع المنتخب الأول إنه ياخد منهم لاعيبة… وفيه لاعيبة كبيرة هو طلبها ومجتش، حتى لو من غير ذكر أسماء… المهم إن الكلام ده كان يتقال للجمهور من البداية”.
وأختتم:” ده كان هيشيل الضغط من على اللاعيبة اللي بتلعب… وهيبقى الجمهور فاهم الوضع قبل ما تبدأ البطولة أصلاً وكان هيفرق في النتائج صدقني دي وجهه نظري’.
شاهد:
https://l.facebook.com/l.php?u=https%3A%2F%2Fyoutu.be%2Fac2k4Mal3sU%3Fsi%3DKQlh69Vnv1Eettmz&h=AT0-jSCeIuFi0FevAvVTxdrSdp2LEmWm25tt1G-0BTxdBQ_ebWR20pmYWxBuyDWv27axZJK8C9sEWDAaSjPH0rCDdEtFcKIBDezeznHdQs6VR0_0PQWZgyi9CbUMiUI&s=1
