نجح الزمالك في تجاوز عقبة بلدية المحلة بصعوبة، بعد الفوز بهدف دون رد سجله اللاعب ناصر منسي، ليضمن الفريق الأبيض مكانه في دور الـ16 لمواجهة سيراميكا كليوباترا في كأس مصر.
وقال أحمد عبد الرؤوف، المدير الفني للزمالك، خلال المؤتمر الصحفي بعد المباراة: “الحمد الله على المكسب، مباريات الكأس مليانة مفاجآت وما لهاش مقاييس وفريق البلدية من الفرق اللي ليها فضل عليا. بنمر بظروف صعبة وبدأنا المباريات بدون مدافعين والونش دخل معانا وعندنا غيابات وبنكمل القايمة بالعافية”.
وأضاف عبد الرؤوف: “الظروف صعبة على كل المستويات، بداية من الأمور المالية واللاعبين صابرين تمامًا بس اللاعبين بيلعبوا برضه عشان الفلوس. مفيش ظهير أيسر في قطاع الناشئين ومش بتعنت ضدهم ناس متخدش فلوس بقالها 6 شهور، وايشو ملهوش بديل. بنتايج مش معانا ومعرفش ظروفه إيه ومش واخد إجازة والمفروض إنه فسخ تعاقده من طرف واحد”.
وتطرق المدير الفني إلى إصابات اللاعبين قائلاً: “لا أعرف سبب إصابات محمود جهاد المستمرة وأحمد شريف بيقدم مستوى جيد وبحاول نحل أماكن ونعوض المراكز وهنشوف إيه نوع الإصابة لمحمود جهاد. أحمد حمدي لن يشارك مع الفريق في الفترة المقبلة بالنسبة لي على المستوى الشخصي”.
