كشف هاني برزي عضو مجلس إدارة نادي الزمالك، عن مفاجأة صادمة بشأن عائد البث الفضائي،الذي يحصل عليه الفارس الأبيض.
وقال برزي،خلال تصريحات تليفزيونية عبر برنامج “كلمة أخيرة”، على قناة” أون”: ” واجهنا أزمات عديدة من وقت ما جينا كمجلس إدارة واللي دخلنا عليه كان اكبر ما كنا متوقعينه كلنا ورغم كده اشتغلنا”.
واضاف:*وقدرنا نحول مشروع الزمالك إلى مشروع استثماري كبير لأن ده الحل الوحيد اللي قدمنا، أن احنا نقدر نجيب موارد تغطي التكاليف لأننا عندنا العاب عديدة بتصرف عليها مئات الملايين”.
وأشار برزي:” إيراد الأعضاء اللي بيجي مش بيكفي، الرعاة زودناهم من راعي إلى 7 رعاة”.
و شدد:” البث الفضائي إحنا مجبرين وملزمين نتعاقد بأرقام بصراحه لا تليق بالأندية الدوري المصري ولا تقدر تصرف منها “.
وأكمل برزي:” التذاكر تخيل بيجيلك منها 12 جنيه في المباراة الواحدة ومحدودية الجماهير اللي بتخش في المباريات تقريباً اكثر حاجه عشر آلاف في الدوري يعني في الاخر هتلاقي نفسك بيخشلك 120 الف جنيه مبيكفيش فلوس المعسكر اللي بتعمله قبل اي مباراة “.
وواصل:” فلوس معسكر اي مباراة من فندق واكل ونقل قبل اي مباراة مليون جنيه ويجيلك من الماتش 120 الف جنيه، فكان لازم حل خارج الصندوق وهو ارض اكتوبر والمشروع الاستثماري فيها”.
وأختتم:” احنا خدنا كل الموافقات اللازمة وكل خطواتنا كانت صحيحة ومفيش حاجه اتعملت غلط نهائي وكل حاجه تمت بموافقه هيئة المجتمعات العمرانية”.
