حذر الإعلامي عمرو أديب، مجلس إدارة نادي الزمالك من التلويح بفكرة الاستقالة بعد بيان النيابة العامة بشأن أرض اكتوبر.
وقال أديب، خلال تصريحات تليفزيونية ببرنامج “الحكاية”، عبر قناة” ام بي سي مصر”:” يجب ان يتحمل مجلس ادارة الزمالك المسؤولية حتى نصل لبر الامان، الاستقالة موقف غير شريف، وانت مالك ايه، ده عمل عام وانت جاي مرشح نفسك في نادي مثقل بالتجاوزات والديون عندنا الكلام ده من انا طفل”.
وأكمل:” أنا بهيب بوزير الشباب والرياضة إنه يتحرك وبهيب من مجلس إدارة نادي الزمالك يتحرك ويشوف حلول “.
وشدد أديب:” بقول لمجلس إدارة الزمالك اوعى تستقيل.. الحل مش في الاستقالة والهروب .. انتوا مش جايين علشان تمشوا في توقيت زي ده”.
وواصل:” أنا عندي يقين أن المسؤولين في الدولة هيتحركوا اسرع مننا، لازم يكون في وضوح يا تقولوا لينا الطريق ايه مفيش أرض وفي ارض بديله وتعالى استلم يلا واشتغل واحنا معاك “.
وأضاف أديب:” أنا عارف ان في أرض بديلة ومتحددة .. الجمهور هيقولي أنت اتخليت يعني؟ هقولك لا خالص الأرض فيها مشكله الموضوع واضح وطريقها طويل “.
وزاد:” يا بخت من زعلني وزعل الناس عليا ولا ضحكني وضحك الناس عليا .. أنا بقول كلام مهم وصريح اتحركوا يا مجلس إدارة الزمالك بسرعه محتاجين حركة سريعة ومينفعش تستقيلوا “.
وأختتم:” أسهل حاجه يتم تعيين مجلس معين يبقى كل سنه وانت طيب بقى على كل حاجه”.
