وجه الإعلامي عمرو أديب، رسالة قوية لأحمد شوبير حارس مرمى الأهلي السابق والإعلامي الحالي،بشأن نجليه مصطفى ومحمد الشناوي ثنائي منتخب مصر.
وقال أديب،خلال تصريحات تليفزيونية عبر برنامج “الحكاية” على قناة “ام بي سي مصر”:” عندي رساله لصديقي وحبيبي الكابتن أحمد شوبير، طبيعي تبقى متحمس لمصطفى، وعلى فكرة يا أحمد أنت كانوا بيسموك ‘أيوب الكرة المصرية’ ليه؟، لأن أنت صبرت كتير، لأنه كان قدامك طابور من حراس المرمى”.
وتابع:” ابنك -أيوه- جون عظيم؟ طبعاً، مصطفى شوبير من أحسن حراس المرمى في مصر، ولكن يا أحمد يا حبيبي في مدرب.، مصطفى مش هيلعب بالضغط، مصطفى هيلعب بالحق”.
وشدد أديب:” أيوه الشناوي كان مهزوزاً، دورنا إنه يبقى ما في لعيب مهزوز نسنده مش نركنه، فأنا عارف طبيعي حبك لابنك، وعارف طبيعي إن أما بتيجي تكتب بتقصد حاجة وتقول حاجة ويطلع حاجة.. ماشي، ابنك ‘أولادنا أكبادنا تمشي على الأرض'”.
وأردف: “وأنا بحب مصطفى، مصطفى لسه عنده وقت، الشناوي معندوش وقت، هي الدنيا كده.. الزمن.. السن.. الشناوي معندوش وقت، الشناوي جايز تبقى دي آخر بطولة أفريقية يلعبها، إنما مصطفى شوبير عنده أربع خمس بطولات جاية، شوف بقى قد إيه؟ فلازم نفهم حرج هذه المسألة”.
وأشار أديب:” عيلة شوبير على العين والراس، بس في النهاية أرجوك بشويش على الشناوي وبشويش على مصطفى، الاثنين بشويش عليهم علشان الولد -أنا ما بقولش الولد دي كلمة وحشة يعني ابننا يعني- ما يبقاش عنده إحساس بالظلم، ما يبقاش عنده إحساس بالتفرقة”.
و أستأنف: ” الشناوي كتير بننتقده لكن هو كابتن مصر وهو قائد، وهو قائد النادي الأهلي فطبعاً ليه قيمة وعمل كتير، جايز يجي معاه ‘Off Day’ يوم مش كويس، أيام مش كويسة، مباريات مش عظيمة”.
وأختتم:” أنا عارف شوبير كويس من يوم رحله جنوب افريقيا في السوبر الافريقي كنت أنا الزملكاوي الوحيد اللي معاهم في الطائرة وكان حظي إني قعدت جنبه وهو كياد .. والحمد لله يومها كابتن أيمن منصور راح تك حاطط الكورة ليه في المقص وكسبنا وبعدها مرجعتش معاهم في الطائرة”.
شاهد:
