تحدث الإعلامي عمرو أديب، عن الوضع الحالي، لنادي الزمالك والمطالبات بغلقه نظرا لكثر الأزمات والمشاكل التي يعانذ منها.
وقال أديب، خلال تصريحات تليفزيونية ببرنامج “الحكاية “عبر قناة” إم بي سي مصر”:” عمركم في حياتكم من ساعه ما تابعتوا كورة سمعتوا ناس بتتكلم عن قفل نادي؟، لكن اللي بيحصل حاليا حاجه جديدة” جمهور ونقاد رياضيين وصحفيين بيكتبوا أن الزمالك يقفل خلاص”.
واضاف:” نادي الزمالك يقفل!!! لا لا أصل مش هيعرفوا يدفعوا بكره، ده كل اللعيبه مقدمة شكاوي، ده في ديون، اللعيبه الأجانب ماشيين. مجلس إدارة يستقيل واقفلوا النادي”.
وتابع أديب:” ايه يا جماعه اللي بيحصل في الزمالك ده، في أندية فيها مشاكل مادية ماعدا الأهلي طبعا ده النادي الملياري ودي ليها حلقة من أول اليوم نتكلم فيها، في ايه اشمعنى الزمالك يعني اللي بيحصل فيه كده “.
وأشار:” ده في ناس بتشوف اللي بيحصل وبيسكتوا ويصهينوا .. هو في ايه بالظبط”.
وواصل اديب: “على فكرة نادي الزمالك ده ملك للدولة مش بقول نادي الدولة، لأ نادي ملك للدولة ما تسانده ما تعومه ما تديله فرصه يقوم ويشتغل، يا سيدي ده مجلس بائس وفشل في الملفات ماشي ما نشوف حلول بقى”.
واردف:” لكن يقولك اقفلوا النادي، اللي عايز النادي يتقفل يارب يتقفل على صباعه ولا دراعه يارب”.
وأكمل أديب:” ده نادي بيشجعه ملايين وبيشارك الأهلي في الشعبيه الجماهيرية في مصر عيب كده وعيب قلة الحيلة دي، ده انت عندك شركات لما بتلاقيها بتقع بتقعد تضخ فيها ملايين، طيب وده نادي ليه دور تربوي فيه 23 لعبه ثانية تقريباً وبيطلع شباب وشبات “.
واستانف:” من الاخر يا جماعه ما تقولونا الأرض دي حد عايزها؟ ما تقولولنا، نهاره فله قطع وكل، وهيبان يا نداغ اللبان الأرض دي مين عايزها على فكره هيبان “.
وزاد أديب:” والمنطق اللي أنا مش فاهمه بتاع هنديلكم واحدة ثانيه، طيب ما دي اهيه مالها في ايه مش فاهم!؟ ده إحنا خططنا وحفرنا وبدأنا وجبنا معدات “.
وأستطرد:” يقولك أصلك اتأخرت.. اتأخرت على ايه هو أنا قطاع خاص!! هو أنا واخد محلات في التجمع الخامس هو الزمالك هيفضل كده كل واحد يلطش فيه شوية؟”.
وأختتم: “قولولنا خلاص كده احنا عايزين الأهلي وبيراميدز .. ده لمصلحة مين؟، بهيب بالناس اللي عندها مسؤولية في البلد .. ده نادي تبع الدولة .. دي شركة خسرانة في الدولة هتعمل ايه؟ ده السؤال”.
شاهد:
