تحدث عمرو زكي، نجم الزمالك السابق، عن الشائعات التي تخرج من وقت لآخر بشأنه وكشف سبب عدم الرد. عليها وغيابه عن الساحة الرياضية.
وقال زكي خلال تصريحات لبرنامج الكلاسيكو على قناة “أون”: ”. بعض الأطراف يروجون كل عام شائعات عن تدهور حالتي الصحية دون التأكد من صحتها، كل سنة يطلعوا يقولوا إني تعبان أو بموت، ومحدش فيهم بيكلف نفسه يكلّمني ويتأكد، مع إن بنتي سألتني مرة: هو إنت ليه كل سنة بتموت؟”.
وشدد :” لا امانع التواصل المباشر مع أي شخص بدلاً من التعليقات العلنية، لو عاوزني أرجع للساحة، يكلموني بيني وبينهم مش قدام الناس”.
وأكمل: “الاعلام رسالة ومسئولية كبيرة،الجمهور يصدق ما يُنشر أمامه، وهو ما يستدعي تحري الدقة قبل نشر أي معلومة قد تؤثر نفسيًا على أصحابها”.
وتابع زكي: “يمكن اللي بيقول الكلام ده قصده يستفزني علشان أرد، بس لو عايزني أتكلم، ما يكلّمنيش بيني وبينه ويهدي الدنيا بدل ما ينشر كلام يأثر نفسيًا؟”.
وأضاف:” لو إنت بتقول خبر، لازم تبقى عارف تأثيره على اللي بتتكلم عنه. مش أي كلام يتقال وخلاص، لأن الرد مش سهل”.
واشار زكي: “ليه ما بطلعش أرد؟ علشان أنا متضايق. أنا طول عمري قريب من الإعلام، ولو عايز تستفيد مني، لازم تبقى دقيق وصح في كلامك، أي خبر بتكتبه لازم تبقى عارف مردوده إيه. لو إنت عامل القصة دي علشان أطلع أرد، فمش هطلع.
واردف:” أسهل حاجة إني أطلع، بس أطلع أرد على إيه؟
إنت قصدك تستفزني علشان أتكلم؟ لو اتكلمت وأنا متضايق، هضيع حقي، في كلمة تتقال تبني، وكلمة تانية ممكن تهد”.
واختتم:” كان ممكن أطلع وأرد عليه ومش هتفرق معايا فرق سن ولا منصب ولا لقب، بس أنا مش هحققلك اللي إنت عايزه بالطريقة دي”.
