علق جمال السلامي، مدرب منتخب الأردن، عن مواجهة مصر المرتقبة، غدًا الثلاثاء، ضمن منافسات الجولة الثالثة من مرحلة المجموعات لبطولة كأس العرب 2025.
وقال جمال السلامي المدير الفني لمنتخب الأردن في المؤتمر الصحفي قبل مباراة مصر: “مباراة بكره قدام مصر مهمة جدًا بالنسبالنا علشان نحافظ على النسق، وكمان هي اللي هتحدد المتأهل التاني من المجموعة”.
وتابع: “هدفنا الأساسي كان التأهل وحققناه، فممكن نريح شوية لعيبة بكرة، وده هيبان معانا في تمرين النهارده، وكمان هنراعي اللاعبين اللي عليهم إنذارات ونشوف التشكيل الأنسب”.
وأردف: “قدامنا وقت طويل نفكر في كأس العالم، والأهم إننا نحدد نوعية المنتخبات اللي هنلعب ضدّها في الودّيات”.
وأشار: “إحنا مش عندنا رفاهية اختيار المنافس في الدور الجاي.. العراق والجزائر هما اللي عندهم الفرصة يحدّدوا”.
واستكمل: “أنا لسه مدرتش المنتخب المصري، فصعب اتكلم عن الجزائر أو العراق دلوقتي ولكن الجزائر هي حاملة اللقب ومنتخب كبير والعراق يمتلك كل المقاومات وهندرس المنتخب اللي هنلاعبه بعد لقاء مصر”.
واختتم: “مباراتنا مع مصر في النسخة دي مختلفة تمامًا عن مواجهة كأس العرب 2021 وبالتأكيد نطمح للفوز بيها”.
