كشف مصطفى فوزي لاعب المصرية للاتصالات، سر عدم إحتفاله بعد إحرازه هدفي فوز فريقه على الأهلي في كأس مصر.
وخسر الأهلي أمام المصرية للاتصالات بنتيجة هدفين لهدف، في دور الـ 32 من كأس مصر وودع البطولة مبكرا.
وقال فوزي،خلال تصريحات تليفزيونية عبر قناة “أون سبورت”:” الحمد لله ربنا على الهدفين وعلى النتيجة وعلى المكسب على فريق كبير زي النادي الأهلي. إن أنا ابن من أبناؤه، يمكن أصعب جولين جبتهم في حياتي، ورفضت الاحتفال طبعاً ده بيتي، أنا اتربيت في النادي الأهلي 9 سنين وكنت كابتن فريق 99″.
وأضاف:” هدفين صعبين مع فريق الأهلي، أنا وقفت معاك قبل الماتش وقلت لك أنا لسه راجع من الإصابة وعايز أرجع نفسي تاني، عايز أرجع الدوري الممتاز مكاني، فماتش زي ده الواحد لو نزل وعمل فيه حاجة بيفوق تاني”.
وشدد فوزي:” الحمد لله على المكسب، اللعيبة تعبت قوي النهاردة والكوتش المدير الفني تعب وكلنا تعبنا الصراحة والادارة وكل الناس وفرت لنا كل حاجة، فربنا كلل مجهودنا ده بالتوفيق والفوز”.
وأكمل:” عن العودة من الإصابة والتحدي النفسي؟ أنا الحمد لله مش لاعب صغير، جالي مواقف زي دي كتير فالواحد ما بيأس في الحتة دي، لازم لما اتصاب هعافر واتعب وأموت نفسي أكتر عشان أرجع تاني أقف على رجلي. الحمد لله تعبت الفترة اللي فاتت عشان أرجع، وربنا كلل مجهودي وتعبي النهاردة بالجولين”.
وأختتم: “عن حديث المدير الفني؟ قالي إن توقيت ربنا أهم ليك، أنت كنت عايز وقت أكتر واتكلمت في وقت أكتر، النهاردة لما نزلتك في التوقيت المناسب جبت الجولين في وقت مناسب ليك، فتوقيت ربنا دايماً هو المناسب ليك سيبها لربنا”.
شاهد:
