مفاجآت مدوية يكشفها شوبير عن صفقات الأهلي الجديدة: نجم الزمالك كان في الصورة.. الصفقة الأولى انتهت! فيديو

كشف الإعلامي أحمد شوبير عن كواليس جديدة تتعلق بملف صفقات النادي الأهلي المحتملة خلال الفترة المقبلة، متطرقًا إلى أسماء مطروحة على طاولة التعاقدات، من بينها لاعبون محليون وأجانب، بالإضافة إلى اسم محمود بنتايج لاعب الزمالك، وذلك خلال تصريحاته عبر برنامجه الإذاعي.

وقال شوبير: “نتكلم على اللعيبة اللي ممكن تيجي للنادي الأهلي، أعتقد إن يوسف بالعمري خلاص خلصت للأهلي، أعتقد”.

وتابع: “وعايز أقول لكم إن موضوع محمود بنتايج لاعب الزمالك كان في الصورة، يعني ما كانش بعيد، وعن طريق وكلاء بنتايج، علشان حضراتكم تبقوا عارفين، الأهلي ما سَعاش، لكن هو لاعب كويس ولاعب محترم، وبنشوفه دلوقتي مع منتخب المغرب التاني، بيشارك مش أساسي، لكن لما بيشارك لاعب هايل، ولاعب عنده روح، ولاعب عنده ناحية قتالية كبيرة جدًا جدًا”.

وأضاف شوبير: “يعني بالعمري خلاص بقى، حتى لو وصلت إن الأهلي يسدد الشرط الجزائي اللي هو بيقرب من نص مليون دولار، وده رقم كويس بالنسبة للنادي الأهلي، والطرف عايزه، يعني طُرح عليه بشكل كويس”.

واستكمل: “طيب مين تاني؟ حامد حمدان، آه طُرح، طرب معجب بحامد حمدان، تقول لي إنت لسه قايل ديانج هيكمل؟ آه، بس ما عندوش مشكلة، لأن حامد لاعب فلسطيني، والأهلي محتاج في المركز ده لاعيبة، وبالتالي حامد حمدان من ضمن أولويات النادي الأهلي”.

وأوضح: “هل بيراميدز دخل في الموضوع؟ آه، بيراميدز دخل في الموضوع بجد، لكن الرغبة هي اللي هتفصل، هل هو عايز الأهلي؟ هل الزمالك تراجع شوية أو اتأخر أكتر؟ واضح إن الزمالك عنده أزمة مالية”.

وأردف: “هل ممكن رجال الأعمال يتدخلوا؟ هل بيراميدز يكسب القصة ولا لأ؟ كل ده مطروح”.

واختتم شوبير حديثه عن ملف المهاجم قائلًا: “طيب إنت قلت كل ده وما قلتش المهاجم، لسه لحد اللحظة دي الأهلي ما استقرش على مهاجم، هتلاقي ديابيتية، وهتلاقي بابلو صباغ، وهتلاقي 500 مليون اسم بيتقالوا اليومين دول، لكن لحد دلوقتي طرب بيتفرج، عايز لاعب على مستوى النادي الأهلي، خاصة إنك هتضحي بلاعب أجنبي، فالموضوع فيه أخد ورد، والأهلي لسه ما استقرش على مهاجم أجنبي”.