وجه أحمد حسام ميدو، رسالة قوية لمحمد الشناوي، حارس مرمى الأهلي ومنتخب مصر، بعد مباراة الفراعنة أمام زيمبابوي، في بطولة كأس الأمم الإفريقية.
وقال ميدو، خلال تصريحات تليفزيونية عبر برنامج “اوضة اللبس” على قناة “النهار”:” امبارح الحمدلله كسبنا زيمبابوي لكن عندنا أزمة دفاعية، الجماهير كان عندها حالة قلق من منتخب مصر “.
وأضاف:” ليه انا بقول كده علشان الرساله توصل للجهاز أن في أخطاء ولو اتعالجت ممكن نروح بعيد، وطبيعي يكون في أخطاء لكن الأخطاء اللي عملناها إمبارح بدائية اوي”.
وشدد ميدو:” لو بنلاعب منتخب تقيل الحاجات دي هتوجعك لازم اللعيبه تاخد بالها كويس كده “.
وتابع:” أنا بقول كده إحنا كسبنا وخلقنا فرص كتير وعملنا هجمات كتير ، لكن عندنا الأخطاء الدفاعية صعبة “.
وأردف ميدو:” الأخطاء الدفاعية ومحمد الشناوي اللي مراحشي عليه غير كورتين، لو حصلت قدام جنوب افريقيا أو أنجولا هيبقى الوضع صعب “.
وأشار:” رسالتي للشناوي أنت حارس مرمى بقالك عشر سنين لازم تبقى واثق في نفسك لانك بتدي الثقة للي قدامك .. مينفعشي ابدا الكورتين اللي راحوا عليك يبقى فيهم توتر بالشكل ده “.
وأختتم:” كابتن حسام حسن لازم يعيد تنظيم الفريق دفاعيا”.
