رد هاني برزي عضو مجلس إدارة نادي الزمالك، على كل الاتهامات التي وجهت لمجلس الإدارة بشأن أرض حدائق اكتوبر.
وقال برزي، خلال تصريحات تليفزيونية عبر برنامج “كلمة أخيرة” على قناة “أون”:” أنا من هنا بقولك مفيش اي خطوة اتعملت في أرض اكتوبر غلط وخدنا كل الموافقات عليها بخصوص الجزء الاستثماري”
ومن جانبه سأله الإعلامي أحمد سالم:” طيب امال ايه البلاغات المقدمة في النيابه وبيتحقق في ايه علشان في غموض في القصه دي”
ليجيب برزي: “إن احنا بعنا الأرض لمستثمر وهنبني عليه كومباوند والكلام ده، أنا مش محتاج انفي هذا الكلام لانه عيب يقال الكلام ده وأحنا مجلس محترم ومش من السذاجه نعمل كده اصلا”.
واضاف:” إحنا عملنا خطة كاملة لمدة ثلاث سنين لفريق الكرة والألعاب .. ثم تفاجئنا بسحب الأرض ووقف كل حاجه بنخطط ليها وحصل عجز مالي رهيب ولعيبه عايزة تفسخ وعايزة تمشي “.
وشدد برزي:” إحنا كمجلس موقفنا ثابت احنا عايزين الأرض بتاعتنا ملكنا اللي اشتغلنا عليها “.
وعاد وقال أحمد سالم:” برضوا معلش في جزء تايه في قصه الأرض .. ايه الجزء اللي بيلام عليه المجلس في قصه الأرض.. هل التأخير ولا طلب مهله ولا الجزء الاستثماري”.
ليرد برزي: “حتى الثلاث حاجات اللي ذكرتها مش سبب، لو في تأخير في البناء .. احنا ممكن تشتري مدة وده موجود في اي شئ استثماري مفيهاش اي مشكله، أنا عضو في هيئة التنمية الصناعية.. مفيش مطور غير لما بيطلب تأجيل ومد المدة وبنوافق عليها”.
وواصل:” بعدين أنا قولت نادي الزمالك موقفه مختلف لانه نادي حكومي وانا مجلس تطوعي مش باخد فلوس على كده ..اينعم أنا منتخب لكن مجلس تطوعي ورايا وزارة الشباب والرياضة ولازم تقف معايا وتدعمني ”
و أشار برزي: الرد كان علينا بان الكلام الجميل بتاع حاضر إحنا معاكم وبندعكم، لكن فين ده في ارض الواقع بقالنا 4 شهور مفيش حاجه بتحصل ومش عارفين وضعنا ايه”
وأختتم:” وفي الاخر يقولك ارض بديلة يعني هنستني كمان سنتين .. صعب جدا، للأمانة أنا خايف على نادي الزمالك”.
