أكد هاني برزي عضو مجلس إدارة نادي الزمالك، أن هناك إجتماع يوم الثلاثاء المقبل لبحث مايحدث من مستجدات بشأن أرض. اكتوبر.
وقال برزي،خلال تصريحات متلفزة عبر برنامج “كلمة أخيرة” على قناة “أون”، رد على سؤال الإعلامي أحمد سالم،” لجنة تنمية الموارد في الزمالك معندهاش حل تاني غير ارض اكتوبر”؟:” لجنة التنمية وكل محبين الزمالك معانا وفي تواصل وكانوا مع بيان إمبارح وهيحصل اجتماع يوم الثلاثاء الجاي هنشوف هنعمل ايه “.
و تابع:” أنا لحد دلوقتي مش عارف ايه سبب سحب الأرض ونفسنا حد يقولنا ايه المشكله الحقيقية.. عندنا موافقات وجوابات بكل الخطوات اللي اتعملت بشكل صحيح “.
وردا على سؤال هل أرض الزمالك هي طوق النجاة؟ اجاب برزي:” أرض اكتوبر مش طوق النجاة لكن العائد منها هو طوق النجاة بسبب نقص موارد النادي “.
وشدد:” النهارده كل الأندية الكبيرة أو النادي الأوحد يعني اللي معاه موارد هو مشروع استثماري عنده ثلاث واربع فروع لانه عنده استقرار إداري اخر عشرين سنين فقدر يعمل “.
وواصل برزي:” والزمالك معندوش أي استقرار اداري.. متجيش تيجي تقولي بعد سنه ونص أنت المسؤول وتوقف كل حاجه “.
وأشار:” الأرض دي كانت هتخلينيا نبقى مشروع استثماري ومنها نشتغل في أرض ثانية وثالثة وغيرها ويبقى في استقرار مالي، أنا صعبان عليا اللي بيحصل ولازم تدخل لان نادي الزمالك كبير وهيفضل كبير”.
