أكد هشام نصر نائب رئيس نادي الزمالك،إنه سيتم مخاطبة رئاسة الجمهورية من أجل شرح كافة الامور الخاصة بأزمة ارض أكتوبر ومدى تاثير سحبها على الفارس الأبيض.
وقال نصر،خلال مداخلة هاتفية عبر برنامج “الحكاية”، على قناة” ام بي سي مصر”:” احنا في أزمة كبيرة مش بتهدد كرة القدم بس، بتهدد النادي كله “.
وأضاف:” التقارير اللي واصله عن الأرض دي واضحه إنها مجتزئة وإحنا عايزين نشرح الوضع صح وبالظبط”.
وشدد نصر:” احنا ابتكرنا طريقة جديدة لدعم الأندية وخدنا كل الموافقات، عدم عودة أرض الزمالك هيخلي النادي ينهار وبقالنا شهور بنتكلم في كده “.
ومن جانبه قال الإعلامي عمرو اديب:” يا بشمهندس هشام لازم تاخدوا معاظ من الرئاسة ويكون في وفد من الزمالك فيه يشرح كل حاجه، لأن لا اخفيك سرا مفيش حد قابلته وسألته عن أرض الزمالك وطمني خالص، سامعني يا كابتن هشام محدش طمني على عودة الأرض، اي حد بكلمه مش بيطمني وكله بيتكلم على حلول بديلة، زي الوطن البديل كده”.
ليرد نصر:” بكرة هنبعت جواب رسمي لرئاسة الجمهورية لشرح الموضوع وتوضيح أبعاده وليس للأرض فقط”.
