اكد هشام نصر نائب رئيس الزمالك، أن مجلس الإدارة مستمر في اداء مهامه داخل النادي، ومن لديه حلول يتقدم بها لنا.
وقال نصر، خلال مداخلة هاتفية ببرنامج “زملكاوي”، عبر قناة” الزمالك”:” احنا نفسنا كمجلس إدارة نكمل مشوارنا في النادي، اللي عنده حل يقدمه اهلا وسهلا به، هل من مصلحه النادي نرجع اللجان ونفق مظلم، احنا تحت امر الجمعيه العموميه والجمهور ل، و عاوزينا نكمل شايفين، اوحد يكمل اهلا به”.
وتابع: “في تقصير و اخطاء هل حد في عنده فكره وحل مقدموش؟، الاجابة لا، لكن في اخطاء نتيجة الضغوطات”.
و اضاف نصر:” سقف الطموح كان عالي عن الجماهير وتلقيتم دعم كبير؟، نعم لكن علشان تحل وتبني مش في يوم وليله، انا كنت واضح بناء الفرق الرياضيه ياخد 3 سنين بوجود دعم مالي،، ورغم كل ما يحدث ابتدأت ملامح البنا ء تظهر وكسبنا الاهلي امبارح واليوم في الهاند بول لاننا دعمنا “.
وأشار:” عندنا خطأ كبير اننا لم نتحدث ولم نوضح للجماهير، اه غلطنا والبناء بياخد وقت سواء احنا او غيرنا البنا هياخد وقت انت بتبني وتحل مشاكل قديمة، المعلن عن المشاكل كان اقل من الموجود، اوجدنا الحلول بالارض وانسحبت، هل اللي هيجي مش هيقابل نفس المشاكل والازمات؟، نعم هيقابلها”.
وأختتم:” احنا محتاجين دعم من الجمهور ورجال الاعمال، احنا محتاجين مساعده من الدوله مقدمين على امور ومقترحات مستنين الدوله تسرع الريتم، حتى مش لنا الي بعدنا، بصوا للي اتعمل احنا مشكلتنا متكلمناش عملنا ايه، اللي عنده حلول اهلا وسهلا ويطرح الفكره مش عاوزين كلام نظري عاوزين حلول على ارض الواقع ورد فعل سريع”.
