هاجم الإعلامي أحمد شوبير، نيرة الأحمر، عضو مجلس إدارة نادي الزمالك، بعد بيان جون إدوارد، المدير الرياضي بالفارس الأبيض ومقارنته مع تصريحات يانيك فيريرا المدير الفني السابق في برنامجه.
وقال شوبير، خلال تصريحات تليفزيونية عبر برنامج “الناظر” على قناة “النهار”:” عندنا في الزمالك خبر مهم وده جبناه من داخل نادي الزمالك نفسه، نادي الزمالك بدأ يفتح باب إنه يبيع اللعيبه علشان يوفر فلوس المستحقات “.
وتابع:” بيقولك أنا ممكن أبيع لاعب واخد فلوسه احل بيها مستحقات عشر لاعبين “.
واضاف شوبير:” أنا بقولك خبر زي ما جبتلك يانيك فيريرا قولتلك امبارح جون إدوارد طلع قال نفس الكلام والنادي طلع قال إنه مش بيعمل حاجه غير بالتنسيق معاه،. يانيك فيريرا قال ١ على عشره من اللي قاله جون إدوارد لكن ده على قلب البعض زي العسل”.
وواصل:” حد يقولك علشان يانيك فيريرا اتكلم معايا أنا بثير الفتنه.. اي فتنه دي!! اي نوع من أنواع الفتنه طيب”.
وأشار شوبير:” لما تطلع عضوه مجلس إدارة تقولك اللي قاله جون إدوارد كله صحيح .. طيب ما اللي قاله يانيك فيريرا صحيح حضرتك”.
وأتم:” فالزمالك فعلا بيخطط لبيع لاعبين علشان يوفر فلوس المستحقات اللاعبين، بيراميدز يستهدف ضم ناصر ماهر من الزمالك في فتره الانتقالات الشتوية”.
