كشف طارق يحيى، نجم الزمالك السابق،حقيقة وجود ازمة بينه وبين جون إدوارد،المدير الرياضي بالفارس الأبيض.
وخلال تواجد طارق يحيى في ضيافة الإعلامي أحمد شوبير عبر برنامج “الناظر” على قناة “النهار ” سأله الأخير:” ايه المشكله اللي بينك وبين جون إدوارد، لانك مع بدايته كان ليك تصريحات قوية وانا حتى وقتها قولت يا ابناء الزمالك اقفوا خلف التجربه ودعموها .. فأنت ايه كانت وجهه نظرك؟”
ليرد يحيي: “أنا عمري ما قابلت جون إدوارد ولا في اي حاجه بيني وبينه ولا اعرفه، أنا مهاجمتش جون إدوارد لا شخص ولا وظيفة.. أنا قولت هنا في قناة النهار معنديش مشكله في تعينه لكن عندي مشكله في تجريف النادي من الإداريين وعماله ورموزه وقولت صراحه”.
ووجه له شوبير سؤال آخر: ” ايه أكبر الأخطاء اللي عملها جون إدوارد؟”.
ليؤكد يحيى: “أنا قولت قبل كده لو جون إدوارد مشي .. هتجيب كل الناس دي من فين تاني بعد ما مشيوا، أكثر حاجه يبقى قلقان منها أي لاعب بعد اي مباراة إنه لما يروح النادي ويشوف الجمهور أو الاعضاء هيقولوا ليه ايه، أنت النهارده بتلعبنا برا النادي ليه؟”.
وأضاف:” الانتماء يعني لما تخش نادي الزمالك كل يوم هتتطبع بنادي الزمالك.. وتشوف الجمهور كل يوم وتتكلم وتحس بالنبض.. فأنت كده اضعفت النادي، هو اللاعب لما يروح من الشيخ زايد إلى الكليه الحربيه بياخد وقت قد ايه؟”.
ويعود شوبير :” اه وقت طويل وبنزين وفلوس كتيرة بتدفع وشغلانه”.
ليشدد يحيى:” بجانب إنك مش معاك فلوس تدفع اصلا للكليه الحربيه.. احنا في أزمة “.
