كشف أحمد سليمان عضو مجلس إدارة نادي الزمالك،أسرار خطيرة عن مايحدث داخل جدران القلعه البيضاء
وقال سليمان،خلال تصريحات تليفزيونية عبر برنامج “اللعيب” على قناة “ام بي سي مصر”:” لازم حاجه اوضحها لجماهير الزمالك والاعضاء ويعلن ربنا أنا معاك عمري ما قولت سر من أسرار النادي وربنا يعلم”.
وأردف:” لكن لما اصحى الاقي صحفي بيكتب تشكيل الجهاز الفني وفجأة بيشيله واحنا كأعضاء مجلس إدارة منعرفشي حاجه عنها وبنتفاجئ بيها لما طلعت رسمي الظهر ازاي؟”.
و أضاف سليمان: “لكن ميوصلشي المرحله إن يطلع قرارات وأنا قاعد أو كمجلس منعرفشي عنها حاجه في كل الالعاب واتفاجئ من الموقع الرسمي’.
وأوضح:” أنا سبت ملف كرة القدم من ديسمبر 2024 ومكنش ليا علاقه حتى تعيين جروس أنا اتفاجئت بيه ومكنتش عارف أنه جيه غير لما وصل وبعدها قالوا إنه مش عايز اي أعضاء من الإدارة في التمرين ويمكن الكلام ده اتقال قبل مده”
وأكمل سليمان: “ولما احتاجوني في كأس مصر مع ايمن الرمادي كنت موجود وساندت .. ولما جيه جون إدوارد فملف كرة القدم بقى معاه واحترمنا قرار المجلس”.
وشدد:” لكن انا نبهت أكثر من مرة الناس في الزمالك إني لازم اعرف القرارات اللي بتتاخد متفاجئش بيها من الموقع الرسمي وقولت لدكتور عبدالله جورج يقول للمجلس ونبهت عليه”
وواصل سليمان:” يوصل إن يطلع بيان رسمي إنه تم تعيين معتمد جمال بقرار مجلس الإدارة مع جون إدوارد هو فين قرار الإدارة وانا معرفشي حاجه عنه؟”.
وأختتم:” وبصراحه الموضوع صعب ولازم وقفه وانا مش موافق على اللي بيحصل واول مرة اتكلم”.
