فجر أحمد سليمان عضو مجلس إدارة نادي الزمالك،مفاجآت صادمة بشأن مايدور داخل الفارس الأبيض خلال الفترة الماضية وهدد بكشف كل شئ للجمهور.
وقال سليمان، خلال تصريحات تليفزيونية عبر برنامج “اللعيب” على قناة “ام بي سي مصر “:” والله العظيم ما هسكت على اللي حصل معايا خلال الفترة اللي فاتت وكل حاجه هتتقال للجماهير في وقتها “!
وتابع:” انا معمول عليا لجان تهاجمني وتشوه صورتي .. أنا اتسرب ليا صورة في دبي واتقال كلام محصلش”.
وأردف سليمان:” الحاجات دي سبب من أسباب الأزمات اللي احنا فيها .. إحنا ممكن كنا نكون افضل من كده لولا اللي بيحصل ده”.
وواصل:” أنا اسف اني بقول كده لكن أنا وصلت لمرحله صعبه وقولت هيجي عليا يوم اضطر اقول الكلام ده في الإعلام لاني نبهت أكثر من مرة”.
وأشار: “أقسم بالله أنا اتفاجئت بقرار أن الزمالك هيلعب بالناشئين ووجود تامر عبدالحميد وحازم إمام والله العظيم معظم المجلس مكنشي يعرف القرار ده وكله اتفاجئ بيه مش حد خد رأينا”.
وأختتم:” رغم كده انا كان عندي شعور اني لازم اساند الولاد وسافرت برج العرب لحضور المباراة ولا كنت اعرف مين رايح ولا مين موجود رغم اني مش مرتاح للقرار”.
