أحمد عيد: لاعبي المنتخب يشعروا بالحزن بعد خسارة لقب افريقيا ويتحدث عن أجواء المغرب

أكد أحمد عيد لاعب منتخب مصر، أن جميع عناصر الفراعنة يشعرون بالحزن بعد فشل الحصول على بطولة كأس الأمم الإفريقية 2025 واللعب على المركز الثالث، وتحدث عن أجواء التواجد بالمغرب.

وقال عيد في تصريحات صحفية لوسائل الإعلام المغربية قبل مباراة نيجيريا: ” بنستعد للمباراة كويس جداً، الجهاز الفني اتكلم معانا، اللعيبة اتكلمت مع بعض وإن شاء الله يعني نعمل حاجة بكرة ونكسب الماتش”

وأردف: “منتخب نيجيريا منتخب كبير طبعاً، بس إحنا مركزين إن شاء الله في الماتش بتاع بكرة ده ونكسب بإذن الله”.

وبشأن الاجواء في المغرب؟ اضاف عيد:” يعني إحنا جينا المغرب كتير جداً، يعني الأجواء زيها زي اي مدينه أجواء يعني عادي يعني مفيش فرق، التلات مدن أو الأربعة زي بعض، يعني مفيش حاجة مفيش حاجة جديدة يعني”.

وعن مساندة الجماهير بكرة؟ اشار: “هو كدة كدة الجمهور المصري ورانا في كل حتة، بيجي ورانا في أي مدينة، وإن شاء الله هيكون في جمهور كتير لمصر بكرة يعني بإذن الله”.

واختتم:” طبعاً يعني بعد الماتش اللي فات ده كان أغلبية المنتخب كله زعلان، يعني كله زعلان عشان كان المفروض يعني كان نفسها نكسب الماتش ونلعب نهائي… بس محصلش نصيب وإن شاء الله الماتش بتاع بكرة ده نكسب ونفرح الشعب المصري بإذن الله”.

ويلتقي منتخب مصر مع منتخب نيجيريا، غدا السبت 17 يناير الجاري، في مباراة تحديد المركزين الثالث والرابع ضمن منافسات بطولة كأس الأمم الإفريقية 2025.