فجر الإعلامي إبراهيم عبد الجواد كواليس غياب محمد صبحي عن قائمة الزمالك لمواجهة بتروجيت، مؤكداً أن الحارس يعيش حالة من الاستياء الشديد بسبب استبعاده من التشكيل الأساسي.
وقال عبد الجواد، خلال تصريحات تليفزيونية ببرنامج “ملعب أون”، عبر قناة “أون سبورت”:” الحاجة التالتة في الزمالك إن محمد صبحي أسباب غيابه عن قائمة الغد أمام بتروجيت إنه مستاء من قرار استبعاده -سوري أنا آسف- من إنه أسباب استبعاده عن الماتش اللي فات قدام المصري إن هو متضايق من عدم الاعتماد عليه”.
وتابع: “وغالباً برضه بكره اللي هيقف قدام بتروجيت برضه هيبقى محمد عوا”.
وشدد عبد الجواد:” صبحي متضايق جداً من القصة دي وإنه ما كانش جاي مع منتخب مصر والمفروض كنت ألعب والمفروض أبقى أنا الأساسي والكلام ده كله، فعنده ضيق من القصة دي وده ضيق طبيعي عشان نكون أمناء يعنيي.
وواصل: “أي لعيب في الدنيا هيبقى جاي من منتخب أو أي لعيب سيبك من محمد صبحي يعني جاي منتخب مصر مش جاي منتخب مصر أي لعيب لو ما زعلش إنه مابيلعبش يبقى موظف وأنا بقول كده طول عمري”.
وأشار عبد الجواد:” تزعل من اللعيب إمتى؟ تعتب على اللعيب إمتى؟ لو عبّر عن غضبه ده بشكل غير أخلاقي بشكل غير مقبول حصل فيه تجاوز حصل فيه تطاول ساعتها تقوله لا، أنت تعبر عن غضبك ده بالغل في الملعب بأدائك في التمرين، تحط غلك في الملعب عشان تبقى أحسن”.
وأختتم:” لكن عبرت بشكل مش مظبوط يبقى هو ده اللي غلط، لكن ده على حد علمي ما حصلش من محمد صبحي بس هو عنده استياء إن هو بعيد عن التشكيل الأساسي”.
شاهد:
