كشف الإعلامي إبراهيم عبدالجواد، عن سبب عدم حديث مسؤولي الزمالك بشأن قضية أحمد سيد زيزو لاعب الأهلي.
وقال عبد الجواد، عبر برنامج “ملعب اون”، على قناة” أون سبورت”
:” النهارده اتكلمنا مع مصادر داخل نادي الزمالك استفساراً عن قصة زيزو: يا جماعة أنتوا ساكتين ليه؟ أنتوا ما بتردوش ليه؟ بيتقال دايماً طول الوقت إن زيزو موقفه هو الأقوى في الشكوى المقدمة إلى لجنة شؤون اللاعبين في الاتحاد المصري لكرة القدم، أنتم شايفين إن موقفكم ضعيف؟”.
وواصل:” ناقلاً عن مصادر الزمالك، قالك: على العكس تماماً، إحنا قدمنا كل المستندات والأوراق اللي تثبت صحة موقفنا، ولكن إحنا مش عايزين نخش في لغط أو نتكلم كتير أو يتقال نقول حاجة تتمسك علينا، فإحنا سايبين الإجراءات القانونية تاخد مجراها، ولجنة شؤون اللاعبين تشوف تخلص تحقيقاتها وتدرس الأوراق المقدمة من كل الأطراف وبعد كده تصدر قرارها في قصة زيزو”.
وأشار عبد الجواد:” ولكن إحنا مطمئنين تماماً إلى صحة موقف نادي الزمالك ومعانا ما يثبت ذلك وقدمنا ما يثبت ذلك”.
وأختتم:” واستشهدنا كمان حتى بكلام الكابتن عبد الواحد السيد مدير الكره السابق في نادي الزمالك بالشهادة بتاعته بالأوراق اللي قدمها، إن زيزو كل مستحقاته أخدها على داير المليم”.
