أوضح الإعلامي إبراهيم عبدالجواد، سر وراء تنرد إمام عاشور، لاعب الأهلي، ورفضه السفر مع بعثة الفريق لتنزانيا لمواجهة يانج أفريكانز، وسبب غرامة المليون ونصف من الأحمر عليه.
وقال عبد الجواد، خلال تصريات تليفزيونية عبر قناة “أون سبورت”:” حتى هذه اللحظة إمام عاشور لم يتواصل مع أي شخص داخل الأهلي بعد بيان العقوبات والخصم “.
وتابع:” الطريقة دي اللي حصلت من امام عاشور بيستخدمها دايمًا وكيل اعمال امام عاشور اللي هو ادم وطني، ونفس موقف إمام عاشور، ادم وطني عمله مع كريم بنزيما في الاتحاد السعودي اللي هو وكيله، كريم بنزيما عنده مشاكل في التجديد ومسافرش مع فرقة اتحاد جدة والعنصر المشترك هو ادم وطني”.
وأشار عبد الجواد:” لو زيزو عنده أكبر عقد في الأهلي فآه إمام عاشور من حقه ككورة ياخد زيه وأكتر.. بس هي مش كرة وبس لأن زيزو عنده احترافية واستمرارية أكبر بكتير بعكسك.. عشان كدا إمام عاشور لازم يحس بالنعمة اللي فيها قبل ما تنتزع منه كل النعم فجأة!”.
وواصل:” ليه الأهلي طلع عقوبة بقيمة 1.5 مليون جنيه فقط على إمام عاشور؟ لان إدارة الأهلي راجعت الإدارة القانونية لضمان تطبيق العقوبة بشكل قانوني سليم، في ظل قناعة داخل النادي بوجود نية مُبيّتة لدى وكيل اللاعبين آدم وطني لاستغلال أي ثغرة ممكن تُمكّنه من فسخ التعاقد في أي وقت”.
وشدد عبد الجواد: “وبحسب لوائح الاتحاد الدولي لكرة القدم، لا يحق لأي نادٍ توقيع غرامة مالية تتجاوز 25% من قيمة عقد اللاعب”.
وأختتم:” الأهلي كان يقدر يخصم مرة واحدة 4 مليون من اللاعب ولكن الاهلي ساب جزء يقدر بعد كدة يخصم من اللاعب لو قرر يغيب او يعمل غلطات تانية، وبناءً عليه، قررت الإدارة فرض غرامة قدرها 1.5 مليون جنيه فقط، مع الإبقاء على الجزء المتبقي من النسبة القانونية المسموح بيها”.
