شنّ الإعلامي إبراهيم فايق هجوماً حاداً وانتقادات لاذعة على الكابتن حسام حسن، المدير الفني لمنتخب مصر، عقب تصرفه المثير للجدل تجاه الجماهير خلال مباراة بنين ببطولة كأس الأمم الإفريقية، مؤكداً أن مثل هذه السلوكيات لا تليق بمكانة مدرب “الفراعنة”.
وقال فايق، خلال تصريحات تليفزيونية عبر شاشة “إم بي سي مصر 2″:” أنا بشوف إن إحنا دايماً بتبقى الأمور بتاعتنا في المنتخب ماشية كويس وكسبانين وكذا وكذا وكذا، أنا بصراحة معجبنيش اللي عمله الكابتن حسام حسن بعد ما جبنا الهدف التالت”.
وأضاف:” أنا كسبان هنا، أنا كسبان، اروح ليه للجمهور ده أشاور له أقول له (أنت لا)؟ واروح ليه عشان بيشجع بنين؟ ما يشجع بنين! وماله؟ اروح أشوف الجمهور ده أقول له (أنتوا لا بس أنتوا أه..)”
وأردف فايق:” أنا مدير فني منتخب مصر اللي كسبان واللي بصعد واللي كل الدنيا زي الفل. وماله حتى كمان لو أخد الناس كلها معايا، يعني بدل ما أخلي الناس فيهم جانب مزمزق”.
وشدد:” طب بلاش الحتة دي، طب ما بدل ما الناس تتربص لي وتأخد الكلام وتبقى كذا كذا، واللي ما بيحبنيش يكبره، ما نتجاوزه! لأن ده مش موقف أنا محطوط فيه، يعني مش موقف أنا محطوط فيه لا، ده أنا اللي رحت لـ 10، 20، 30، 100 واحد، 2000 واحد، 3000 واحد.. إيه يعني؟ ما العالم كله معاك! “.
وأختتم:” فكنت أحب إن أنا لا أتعرض أصلاً للموضوع، يشجع اللي يشجعه، في الأول وفي الآخر أنا مدير فني منتخب مصر ودول نجومي وأنا كسبان وده التالت ومحمد صلاح، ما اروح أفرح مع اللعيبة؟”.
• مش عايز أطول أكتر من كده بس دي رسالة أتمنى إنها تبقى بس إيه.. توصل للكابتن حسام حسن
