كشف إسماعيل يوسف، نجم الزمالك السابق، عن مكسب الفارس الأبيض من مباراة المصري رغم التعادل السلبي الذي خيم على نتيجة مباراة الفريقين، ضمن منافسات بطولة كأس الكونفدرالية.
وقال يوسف، خلال تصريحات تليفزيونية عبر برنامج “الكورة مع فايق”، على قناة” ام بي سي مصر 2″:” الأداء النهارده كان متوسط.. الظروف اللي مر بيها الزمالك والفترة اللي فاتت دي، أنا شايف النتيجة نتيجة معقولة “.
وأكمل:” بالرغم إن كايزر تشيفز كسب زيسكو وقرب 4 نقاط، لكن النهاردة نقطة كويسة لأن برضه الظروف اللي اتحط فيها معتمد ظروف صعبة جداً، جاي بقاله فترة صغيرة وفي كم لاعيبة مصاب غير طبيعي”.
وتابع يوسف: “هو كان بيلعب على حاجة واحدة إنه ما يتغلبش.. يقدر يحافظ خصوصاً الطرفين بتوعه ولاد صغيرين لسه إذا كان إيشو ولا محمد إبراهيم وده المكسب الحقيقي في المباراة النهاردة”
وأختتم:” إنما اللي جاي يخوف”.
“.
وتعادل فريق الزمالك مع نظيره المصري البورسعيدي بدون أهداف في المباراة التي أقيمت بينهما على ستاد الجيش ببرج العرب، في إطار مباريات الجولة الثالثة لدور المجموعات لبطولة كأس الكونفدرالية الأفريقية، ليرفع الأبيض رصيده إلى 5 نقاط.
