إنتقد محمود عبد الرازق “” شيكابالا”، نجم الزمالك السابق، حسام حسن المدير الفني لمنتخب مصر، بعد تبريره الخسارة أمام السنغال والفشل في التأهل بنهائي بطولة كأس الأمم الإفريقية.
وقال شيكابالا، خلال تصريحات تليفزيونية عبر قناة” ام بي سي مصر 2 “:” المغرب ومصر بلدين كبار جداً، وزي ما إنت قلت إحنا عشنا الحاجات دي قبل كده مع الجزائر وحطيتنا في حتة مش كويسة”.
وأضاف: “كان نفسي كابتن حسام يتكلم على الكورة بدل ما نطلع نتكلم على المغرب وعلى التنظيم وعلى الأوتيل.. مش هو ده اللي خسرك!”.
وشدد شيكابالا:” كان نفسي نتكلم كورة، إنت متكلمتش كورة يا كابتن حسام”.
وأكمل:” إنت كسبت في الملعب قبل كده والناس أشادت بيك، بس إحنا في الملعب عندنا مشاكل كبيرة جداً كان نفسي نتكلم فيها بدل ما نقعد نتكلم على المغرب”.
وواصل شيكابالا:” المغرب عملت بطولة كويسة جداً والتنظيم كويس والملاعب كويسة”.
و أنهى: “إيه اللي كبر الملف؟ إننا قعدنا نتكلم في حاجات بره الكورة.. كان نفسي نتكلم في الكورة، إحنا الكورة الوحيدة اللي شطناها على الجون كانت في الدقيقة 85”.
