وجه وائل جمعة، نجم الأهلي ومنتخب مصر السابق، إنتقاد حاد لمحمد الشناوي حارس. مرمى الفراعنة وحسام حسن بعد الخسارة أمام السنغال في نصف نهائي بطولة إفريقيا.
وقال جمعة،خلال تصريحات تليفزيونية عبر قناة “بي إن سبورتس”،
:” قدراتنا كانت معروفة من بداية البطولة وأنا بصراحة ما كنتش بيني وبين نفسي متفائل بأكثر من كده للمنتخب على الظروف اللي كانت قبل البطولة والمشاكل اللي كانت عند اللاعبين وعدم الثقة في الكابتن حسام حسن كمدرب”.
وأضاف:” أنا ألوم بس إن احنا طالما عندنا لعيبة في دكة البدلاء ليه ما بنستخدمهاش.. بان إن احنا لعيبتنا مرهقة ومتأثرة بشكل كبير جداً من المباراة اللي فاتت قدام كوت ديفوار واللي استُهلكنا بدنياً جداً’
وأكمل جمعة: “عن هدف السنغال؟ الحضري كان معانا في الجيل بتاعنا عبد العزيز بيروح له ثلاث كور .. الثلاث كور ثلاث أهداف زي دي بالضبط بيشيل الثلاثة أو كورتين يعني في خلال المباراة”.
واختتم:” فإنت أما توصل للدرجة دي من البطولات إنت محتاج حارس مرمى يكون بيعرف يتعامل بشكل كويس جداً عشان توصل المباراة النهائية.. يعني كان لازم يتعامل برضه فيها أفضل من كده الشناوي حتى لو هو في صعوبة في التعامل مع الكورة والتسديدة “.
