بعد الخسارة.. أحمد موسى يشن هجوم عنيف على حكم مباراة مصر والسنغال في بطولة إفريقيا.. “اتسرقنا”- فيديو

شن الإعلامي احمد موسى، هجوم عنيف ضد حكم مباراة منتخب مصر أمام السنغال، بعد الخسارة في نصف نهائي بطولة كأس الأمم الإفريقية 2025.

وقال موسى، خلال تصريحات تليفزيونية ببرنامج على مسئوليتي عبر قناة “صدى البلد”:” منتخب بلدك رايح وهو مش مرشح اصلا للفوز ومش في الحسبان، وقدرت توصل وتنافس على الاقل حقك تبقى متقدم بهدف الشوط الاول هدف السنغال غير حقيقي وسرقت المباراة وتم سرقة المباراة وبمساعدة الحكم والفار “.

وتابع:” هل الحكم اعطى الكرة لمصر طيب اللي ضاع 5 دقايق ولا 10، على الاقل 10 وحسب 5،فين الباقي؟، الوقت اللي ضاع لازم تحسبه ليس هناك عداله مش زعلان اول لما اتعين وقال الحكم قولت الموضوع اتحسم قلت يمكن يكون حكم عادل ويعطينا حقنا واعطيه ربع ٪حكم عادل، هو 100٪ حكم غير منصف وغير عادل “.

وشدد موسى:” محدش يوصل لـ7 بطولات افريقيا غيرك انت ملك افريقيا شاء من شاء وابى من ابى، متزعلوش الماتش بيضغط علينا”.

واكمل: “لاعبينا رجاله وشوف صلاح اتعاملوا ازاي معاه 3 أو 4 بيضربوا في صلاح، حمدت ربنا محدش اتصاب ومرموش اضرب وإمام اتبهدل، وياسر وحسام عبد المجيد اضربوا ضرب موت كلهم اضربوا بمساعدة هذا الحكم”.

وزاد:” على الاقل السنغال يطرد منها لاعب ولنا ضربة جزاء مش مكتوبه لك، سمعت بعض التعليقات من محللين قالوا مصر مش هتوصل للنهائي، عايزين مصر تخرج، وخرجت مصر بمنتهى الكرامة والأخلاق، ولازم ندعم منتخبنا، وهذه البطولة سُرقت من المنتخب”.

وأشار موسى: “اللي تم النهارده مش كورة قدم، إديني حقي أوعى تزعل، أنت لعبت ووصلت للمربع الذهبي، ومن الأول عاملين القرعة كده من الأول بحيث السنغال والمغرب يكونوا في النهائي”.

وأردف : “وقالوا الترتيبات مترتبة، يعني مترتب ومتخطط في هذه البطولة، خلو الناس والجماهير يكون فيه كورة قدم وفيه فساد وتدخلات لا نراها في أوروبا”.

وأختتم “وأوروبا عندهم عدل أفضل من هنا، ومشوفناش صفارة فيها عدالة، ولكل المصريين لازم تكون فرحان بمنتخب بلدك وقدرت توصل للمربع الذهبي”.