وجه محمد مجدي أفشة، نجم الأهلي، رسالة وداع مؤثرة لجماهير الأحمر، بعد اقترابه من الانضمام لصفوف نادي الاتحاد السكندري على سبيل الإعارة.
واكدت تقارير إعلامية على موافقة أفشة الانتقال إلى الاتحاد السكندري لمدة ستة أشهر بعدما طلب الرحيل عن الأهلي من أجل المشاركة.
وكتب أفشة،عبر خاصية “الاستوري” على حسابه الشخصي بموقع التواصل الإجتماعي “إنستجرام” :”الرحلة فيها حاجات كثير حلوة عشناها مع بعض . من افريقيا للدوري لبطولات العالم . كور كثيرة راحت وجات واحدة لبست غيرت تاريخ كبير وواحدة قلشت طيرت فلوس كثير برضه كل ده مش مهم” .
وأضاف :”المهم ان عشت طول عمري محبوب ومتشال ع الراس من اعظم جمهور في الدنيا . انا بسيط وبحب اكون سهل وواضح عايز اقولكم هتوحشوني جدا”.
وشدد أفشة:” اتمني میکنش وداع دائم يبقي مؤقت ل فترة قصيرة . ارجع فيها زي الاول واكثر بحب جمهور الأهلي كثير”.
واختتم :”مش هقول مع السلامة . هقول الي لقاء قريب تاني باذن الله . جمهور الاهلي من كل قلبي شكرا علي الى فات وعلى الى جاى”.
