علق عمرو زكي، نجم الزمالك السابق، على تعادل الفريق أمام المصري، ضمن منافسات بطولة كأس الكونفدرالية الإفريقية.
وقال زكي، خلال تصريحات تليفزيونية عبر برنامج “الكلاسيكو”، على قناة” O N E”:” طبعاً نتيجة مرضية للزمالك في ظل الظروف المحيطة بالفريق، لأن دي أول مباراة لكابتن معتمد في الكونفدرالية وقدر إن هو لو ما كسبتش، ماخسرش، حافظ على مكاني”.
وشدد: “قدر النهاردة بعد التجديد ودي كان حاجة مهمة جداً استقرار حتى لو نسبي لأكثر من لاعب.. إحنا عايزين نبني على حتة الانتماء داخل النادي”.
وزاد زكي:” الناس اللي بتبقى جاية تبقى شايفه زي ما كان موجود قبل كده الكابتن حازم وكابتن عبد الواحد والكابتن عبد الحليم علي.. نجوم كبيرة جداً، لأن أنا ناشئ النهاردة لما بطلع على نجوم فاهم بيربي جوايا الكلام ده كله، لأن العامل اللي جوه الملعب بيفرق كتير جداً مع اللعيب لما بكون جاي النهاردة عندي لعيب واتنين وتلاتة من أبناء النادي بيورثوا فيك دوت بيديك حتة الانتماء”.
واشار:” فالنهاردة مباراة فيها أكتر من مكسب لنادي الزمالك، أكتر من نتيجة بالنسبة ليا يعني طبعاً لأن أنا عايز النهاردة أشتغل على بطولات مش أشتغل على بطولة واحدة”.
وتابع زكي:” أنا بتكلم فيما يخص الزمالك، كوني إن أنا ما كسبتش ما خسرتش لأن الخسارة بتعني ليك مشاكل أكبر. حتة الاستقرار أكتر بالنسبة لي إن المكسب بيجي بمكسب، إن أنا بتعادل النهاردة”..
وأضاف:” بتكلم طبقاً للظروف؛ 40 يوم ما فيش كورة مش هبص على الأداء لأن الأداء بيرجع لعيب، يبقى اللاعيبة داخلة دايماً في مباريات،.
وواصل زكي: “عندك النهاردة عدم ثبات في التشكيل، عندك النهاردة مجموعة داخلة أربع ناشئين داخل الملعب، عندك دكة كلها ناشئين، معنديش النهاردة ‘ليدر’ جوه نادي الزمالك مع احترامي للمحترفين اللي موجودين، مين اللي بيوجه الناس دي بيتكلم؟”.
وانهى:” إحنا لما كنا بنلعب في منتخب أو في نادي الزمالك كانت الخطوط لازم تبقى واصلة ببعض، يعني فيه ‘ليدر’ في كل مركز لأن الحارس بيوجه الاتنين اللي قدامه، الاتنين اللي في نص الملعب بيبقوا موجهين للمهاجمين، فدايماً الربط اللي موجود هو ده اللي بتكلم عليه”.
