علق الإعلامي أحمد شوبير، على إيقاف قيد نادي الزمالك للمرة العاشرة، ووجه رسالة نارية لمجلس الإدارة بسبب اوضاع الفارس الأبيض.
وقال شوبير،خلال تصريحات تليفزيونية ببرنامج *الناظر”،عبر قناة “النهار”:” الزمالك انا خلاص على راي سيد درويش قربت اتجن مش معقول بمعدل كل اسبوع ايقاف قيد، 10 قضايا على الزمالك؟، لا لا الزمالك ميستاهلش كده، لا و مليون، الزمالك لايستحق كده وكل الايقافات من المجلس الحالي”.
وتابع: ” المفروض النادي الاوكراني له 800 الف دولار في صفقة بيزيرا، والزمالك مسددش، هل تقدر تدفع قبل غلق باب القيد وبعدين انت اتخطيت 2 مليون دولار، غير قضية نداي مليون و600 الف دولار”.
وأضاف شوبير: “وهل بيع ناصر ماهر هيحل الازمه؟ لا هيدفع مستحقات لعيبه، وكلمه هتزعل ناس كتير انت بتزعل ليه اللاعب بيمشي؟، اللاعب له عمر افتراضي في الملاعب، وهو عاوز فلوس ومعظم لاعبي الكره بيكون مسؤول عن كيان كبير وناس كتير”.
وشدد:” بتزعل ليه ان لاعب مشي، وتشتمه انا لو باخد فلوسي انا ايه هيمشيني خاصه لوانا نجم، لكن كل لاعب يمشي تقوله تنازل الانديه لا تدار كده، واتكلمت عن الاهلي والناس هناك بتمشي لكن بيدفعوا واه بيتكلفوا مبالغ كبيره ولذلك لابد من الاختيار الجيد”.
وأختتم:” ده اسمه نادي الزمالك، احد اهم الانديه في افريقيا والدول العربيه ومصر، لازم المسئولين عنه يعرفوا كده ومش عارف تدير قول مش قادر وقول السلام عليكم، لكن مترميش على ده عمل امر غير مقبول”.
