تعليق مثير من حسام حسن بعد خسارة منتخب مصر برونزية كأس إفريقيا.. “حققت رقم قياسي في العالم”
أعرب حسام حسن، المدير الفني للمنتخب الوطني المصري، عن فخره بالأداء الذي قدمه “الفراعنة” في بطولة كأس الأمم الأفريقية، مؤكداً أن الوصول للمربع الذهبي وتحقيق المركز الرابع هو نتاج مجهود شاق وبناء حقيقي للمستقبل، رغم غياب التوفيق في الخطوات الأخيرة نحو اللقب.
وقل حسن، في المؤتمر الصحفي بعد مباراة نيجيريا:” الحمدلله إحنا عملنا أقصى ما كنا نتوقعة قبل البطولة، والحمدلله عملنا اللي علينا ووصلنا لأخر يوم في البطولة ووصلنا سيمي فاينل وكنا في المربع الذهبي ”
وأشار: “يعني مكنش في توفيق كنا ممكن نكسب وكنا ممكن نكون بنلعب النهائي لكن في الاخر ده محصلشي، احنا بنبني علشان اللي جاي، كل اللي موجود ده نتاج محلي باستثناء محمد صلاح ومرموش ومصطفى محمد .. لكن أنا مبسوط أننا نتاج محلي ووصلنا للمرحلة دي”
وأكمل حسن: “أنا عايز اقول، توقع مني الأفضل أنا مش شغال بالصدفة، انا بتفرج على المنافس بتاعي كويس، دايمًا هتلاقي فيه تغييرات بتحصل دايمًا وبرضه حسب المنافس بتاعي”.
وشدد:” أنا راضي جدا على فريقي .. يكفي أن عدد كبير من الفريق أول مرة يلعب كأس أمم أفريقيا شوفوا نيجيريا عندها كام محترف والسنغال أو أي منتخب شارك في البطولة “.
و أضاف حسن:” صلاح محسن ومروان عطية اتوقفوا باليل بعد العشاء، بعد ما اتدربنا وعملنا المحاضرة وعارفين هنلعب إزاي، معنديش مشكلة توقف لاعيبة اوقف اللي انت عايزه بس مفروض ده يكون بدري شوية”.
وواصل:” احنا كنا بنتدرب على ضربات الجزاء من قبل ما نيجي البطولة اصلا واللي حصل ده وارد وأعظم لعيبه بتضيع وبيبقى في عوامل كتيرة بتصنع الفارق “.
وأختتم:” أنا لعبت 21 مباراة دولية رسمية مخسرتش غير مباراة واحدة وده رقم قياسي أفريقيا واظن في العالم كله”.
