تعليق مفاجئ من عمرو أديب على تأهل منتخب مصر لربع نهائي إفريقيا.. “انا زهقت مستويات”
علق الإعلامي عمرو أديب، على تأهل منتخب مصر، إلى ربع نهائي بطولة كأس الأمم الأفريقية 2025، بعد الفوز على بنين بنتيجة 3-1 في دور الـ 16.
وقال اديب،خلال.تصريحات تليفزيونية عبر برنامج “الحكاية” على قناة “ام بي سي مصر”:” من الأخبار السعيدة اليوم فوز مصر على بنين 3-1. ومعلش أنا آسف يعني، بص الفرحة بص السعادة.. أنا آسف متكلمنيش على المستويات، متكلمنيش إن محمد صلاح مش في مستواه.. قولي النتيجة كام؟”.
واشاف:” أنا زهقت مستويات! أنا زهقت من اللي كانوا دايماً يقولوا لنا إن في آخر المباراة “وقد أدى المنتخب أداءً عظيماً ولكن لم يُكلل بالنجاح”.. أنا مش عايز “لم يُكلل بالباذنجان” دي، أنا عايز “يُكلل بالأجوان””.
وشدد أديب:” أنا يا جماعة أتحدث عن النتائج. قولي بقى إيه؟ أصل بنين دي يعني هي المغرب؟ اللي كانت بتلعب وكسبت بالزور 1-0 دي كانت إيه؟ على أرضها برضه؟ لا، ادي الناس حقها، المنتخب فاز اليوم فوزاً عظيماً”.
وواصل:” بالمناسبة، أما تسمع المعلقين، هو التعليق بتاعه ماشي مع الماتش إزاي؟ يعني أما كنا كسبانين 2-1 كنت بسمع معلقين في الراديو يقولك: “لا لا مصر تعبانة أوي، ده غير مطمئن”، أول ما جه الجون التالت: “قلت لكم يا ولاد مصر عظيمة، مصر هايلة، الننوسة والعروسة ومصر العبوها يا ابني”.
و أردف اديب:” ده أنت كنت من شوية بتقول لنا إننا هنتنيل بـ 60 نيلة! المعلقين حتى ماشيين مع المسار، أنا يا عمي عمرو بتاع النتائج، أنا عمرو بتاع الأجوان”.
وأشار: “صلاح يقول لك “هو صلاح شغلته إيه؟”.. أنتِ جاية تشتغلي إيه يا مو مو؟ جاي يشتغل هداف، مو هداف، أكتر أجوان ليه في أي دورة، كل ماتش بيجيب لك جول، عايز منه إيه تاني؟ ماذا تريد من الهداف؟ ماذا تريد من حارس المرمى؟ صعدنا بحمد لله، هو ده اللي يهمني”.
وأختتم:” انبسطنا بحمد لله هو ده اللي يهمني، إنما فكرة بقى الأداء وأصله كابتن حسام.. وبعدين الناس يبتدوا يقولوا لك “هو منزله وينج؟ هو مرموش بقاله سنة بيلعب في النص”.. يا عم حصل خير! أنت تسير إلى المنطقة الذهبية العظيمة”.
