علق معتمد جمال، المدير الفني لنادي الزمالك، على التعادل أمام المصري البورسعيدي،ضمن منافسات بطولة كأس الكونفدرالية الإفريقية.
وقال جمال في المؤتمر الصحفي بعد مباراة المصري:” المباراة زي ما حضراتكم شفتوا هي مباراة تكتيكية بحتة يعني، إحنا كتابين مفتوحين لبعض إحنا والمصري، كوتش المصري عارف إحنا بنشتغل إزاي وإحنا بنفس الوضع، لكن كنا بنتمنى إن إحنا نكون موفقين أكثر من كده بالنسبة لإنهاء الهجمة”.
وأضاف:” أعتقد أنا شايف إن دي النتيجة العادلة بالنسبة للفرقتين، رغم إن هو كان بيلعب على الفوز وإحنا بنلعب على الفوز، لكن مش عايز أقول مبررات”.
وشدد جمال:” الدنيا كانت أصعب عندنا شوية، ما أعتقدش فيه فرقة يعني عندها كمية الغيابات اللي عندنا، غيابات كتير قوي”.
وواصل:” حتى الناس اللي حضراتكم شفتوهم مش أحسن حاجة في الفيتنس، إحنا شغالين على كده من مباراة كأس العاصمة عشان نقرب المستوى البدني بتاع اللعيبه مع بعض”.
وأختتم:” محتاج شوية وقت وشغالين عليه، فان شاء الله اللي جاي كل ماتش عن الماتش أداءنا ووقفتنا في الملعب بالنسبة للحالة البدنية يكون أحسن إن شاء الله”.
