خالد الغندور يُفجر مفاجأة بشأن سبب تواجد حسام حسن عند مدرجات مشجعي بنين بعد هدف محمد صلاح!

كشف خالد الغندور عن سبب تواجد حسام حسن، المدير الفني لمنتخب مصر، أمام مدرجات مشجعي منتخب بنين خلال المواجهة التي جمعت الفريقين ضمن منافسات دور الـ16 من بطولة كأس أمم إفريقيا، والتي فاز بها الفراعنة بثلاثية مقابل هدف.

وقال الغندور في تصريحات عبر برنامج “الحريفة” على راديو “أون سبورت”: “عايز أوصلكم بس الصورة في المغرب.. كابتن حسام حسن بعد ما جبنا الهدف الثالث في بنين راح للجماهير ورا دكة البدلاء ومشي حوالي 20 متر وقعد يقولهم إحنا مصر وكسبنا، والناس استغربت”.

وتابع: “وهو طلع قال إنه بيحترم الجماهير المغربية وهما دايمًا في ظهرنا وكده، الناس بدأت تسأل: طيب هو كان رايح يعمل إيه عند المدرجات؟”.

وأوضح: “فاللي حصل إن بعض الجماهير اللي كانت في المدرجات كانوا بيشجعوا بنين، فده ضايق كابتن حسام حسن. صحابي المغاربة هناك اللي بتواصل معاهم قالولي إن الناس كانت دايمًا بتشجع منتخب مصر.. فاتقالي إن في جماهير زعلانة أو مضايقة من بعض الإعلاميين اللي قالوا إن تنزانيا ليها ركلة جزاء”.

واختتم: “فأنا بصراحة برضه مصدقتش إن تشجيعنا للمغرب يرتبط بتحليل أو وجهة نظر في لقطة فيها ركلة جزاء. فيه ناس كتيرة قالت مفيش ضربة جزاء لمنتخب مصر قدام جنوب إفريقيا، وفي الآخر دي وجهات نظر ملهاش علاقة”.