أكد الإعلامي أحمد شوبير أن قرار الصفقات التبادلية في كرة القدم يجب أن يكون نابعًا من رغبة اللاعب نفسه، كاشفًا عن موقف محمد مجدي أفشة وإمكانية رحيله عن الأهلي خلال فترة الانتقالات الشتوية الجارية.
وقال شوبير في تصريحات عبر برنامجه الإذاعي: “أنا قلت إمبارح بالحرف الواحد إن موضوع الصفقات التبادلية دي حرية اللاعب، هو عايز يمشي ولا مش عايز يمشي، هو في الآخر يقول لك أنا عايز ألعب، وبالتالي ما تجيش عليا وتقول لي روح النادي الفلاني أو النادي العلاني”.
وتابع: “وبالتالي أقول لك خبر عن محمد مجدي أفشة مؤكد 100%، أفشة عنده استعداد إنه يمشي في انتقالات يناير، لأنه عايز يلعب، هو شايف إن المدرب ما عندوش قناعات قوية بيه، فبالتالي أبدى رغبته إنه ممكن يتحرك”.
وأضاف: “العروض دلوقتي بقت داخلية، يعني في تلات أندية بتتكلم، سيراميكا، البنك الأهلي، ومن بعيد المصري”.
واختتم شوبير تصريحاته قائلًا: “وأفشة مرحب بفكرة إنه يخرج إعارة ست شهور أو سنة وست شهور، هو عايز يلعب، لكنه أقرب لسيراميكا أو البنك الأهلي، لو النادي الأهلي وافق”.
