عبر عبدالحليم علي،نجم الزمالك السابق،عن رأيه في تجربة جون إدوارد،المدير الرياضي بالنادي، خاصة في ظل العديد من الازمات التي يعاني منها الفريق.
وقال علي، في تصريحات تليفزيونية عبر قناة “أون سبورت”:” رأيي في جون إدوارد؟ لا بص، أنا بتكلم بلغة الاحتراف.. جبت مدير كورة، حتى سيبك من جون إدوارد، أنا جبت واحد يدير ملف الكرة في الزمالك، وبعد ست شهور تقييمه هنقول الراجل مش موفق فشكراً خلاص ميكملش”.
و اردف:” فالراجل ده – سيان هو جون إدوارد أو غيره – أنا جايب مدير رياضي، في الست شهور أنا قيّمتك.. قيّمتك في لعيبة، في مدير فني، في نتائج، في أداء، في تعاملاتك مع مجلس الإدارة، تعاملاتك مع نادي الزمالك، قفلتك على الفرقة، قفلتك على النادي”
وأكمل علي:” لقيتك أنت متجاوز في 1، 2، 3.. أقعد معاك زي ما جيت وقعدت معاك على ترابيزة واحدة، وبدون تجاوزات وبدون أنت ما تقول ولا أنا أقول: خلاص أنت مش موفق معايا في المرحلة دي، فأعتقد تتشاف كده”
وأشار: “لو شايفينه موفق تمام، لو الراجل مش موفق؟ لا نقول له متشكرين بمنتهى الشياكة ونعمل له حفلة ونشكره كمان”.
وأختتم:” إنما الأمور كلها مش في اتجاه.. عشان بس نبقى واضحين، لا، الاتجاه الزمالك راح في منطقة خطر”.
شاهد:
