كشف الإعلامي محمد عبدالجليل “جاليليو”، تطور هام بشأن أزمة المغربي محمود بنتايك مع الزمالك في ظل الحديث عن فسخ عقده من جانب واحد، وكذلك موقف المصابين قبل مواجهة المصري في الكونفدرالية.
وقال عبد الجليل، خلال تصريحات عبر راديو” صوت الزمالك “:
بنتايك.. وزي ما أكدنا لحضراتكم أكتر من مرة في هذا الشأن، سواء في قناة نادي الزمالك أو حتى هنا في راديو صوت الزمالك، ليس لدى بنتايك أدنى رغبة في ترك الزمالك… تاني، ليس لدى بنتايك أدنى رغبة في ترك الزمالك أو في إنه ياخد خطوة جديدة”.
وأضاف:” القصة كلها قصة مستحقات وقصة فلوس وقصة وكيل.. المفترض إن في جلسة بين الوكيل وبين مسؤولي نادي الزمالك النهاردة لوضع كلمة النهاية في هذه الأزمة”
وشدد عبد الجليل:” مستحقات بنتايك موجودة، موعد عودته للتدريبات الجماعية هيتحدد خلال ساعات بعد انتهاء هذه الجلسة، الأزمة في طريقها إلى النهاية وده أمر مهم جداً جداً، مش بس على الصعيد الفني وإن بنتايك لاعب مهم وإنك متكملش الموسم بباك ليفت واحد، لكن علشان المشاكل متزيدش مشكلة جديدة”
وتابع:” كفاية علينا قصة ‘مصدق’ يا رب تتحل بطرق ودية والراجل ياخد المستحقات المتبقية ليه والملف يقفل على كده”.
وأشار عبدالجليل:” كفاية علينا قصة ‘معالي’ يا رب نشوف لها حل في القريب العاجل. مش ناقصين مشكلة جديدة، مش ناقصين رحيل لاعب جديد، مش ناقصين ملف يحصل فيه مشكلة جديدة”.
وواصل:”بيتهيأ لي إن بنتايك هينتظم في التدريبات الجماعية بعد مباراة المصري، ربما قبلها.. ربما قبلها، الراجل متواجد كده كده في مصر”.
وأكد عبد الحليل:”: فتوح إن شاء الله ينتظم في التدريبات الجماعية بالكتير قبل نهاية الأسبوع المقبل، لان فتوح كان بيتأهل وهو في المغرب وقرب على العودة وإن شاء الله يبقى موجود في ماتش بتروجيت، نأمل وباذن الله من المرجح بنسبة 90% زي ما قلت لحضراتكم يبقى موجود في مباراة المصري مش اللي جاية اللي وراها اللي هي في الجولة الرابعة.. ده ملف الجبهة اليسرى”.
وأكمل:*الجبهة اليمنى بقى عمر جابر جاهز لمواجهة النادي المصري بإذن الله.. واحد يقولي يا عم الحج ده كان عنده إصابة في الركبة .. لكن بإذن الله تعالى عمر جابر هيكون موجود في مباراة المصري البورسعيدي”
وأختتم: “كمان عودة دونجا النهارده وايشو للتدريبات وده هيدي الفريق اريحية أكثر في تشكيل لقاء المصري، عبدالله السعيد مش موجود في مباراة المصري لانه لسه بيتأهل”.
