وجه الإعلامي سيف زاهر، رسالة قوية لـ أحمد سليمان، عضو مجلس إدارة نادي الزمالك، بعد تصريحاته المثيرة للجدل عن الاوضاع داخل الفارس الأبيض و تلميحاته بوجود خلافات.
وقال زاهر،خلال تصريحات تليفزيونية عبر قناة “أون سبورت”:” ما يخص نادي الزمالك، سيبكم من موضوع إن بيراميدز عايز يخش يتكلم مع فتوح، لأن بيراميدز فتح فعلاً مع فتوح. فتوح هيكمل ولا حسام عبد المجيد هيمشي؟ كل دي أمور لسه مش عارفينها، حسب نادي الزمالك هيجمع فلوس إزاي”.
وأشار:” لكن أنا ليا نصيحة لمجلس إدارة نادي الزمالك الموقر المحترم، اللي كلهم شخصيات محترمة جداً وشخصيات أفاضل، والكابتن حسين لبيب راجل أكن له كل احترام بمنتهى الصراحة.. رسالتي هنا ليهم وللكابتن أحمد سليمان، ورسالة صداقة والله؛ أنا بحترم الكابتن أحمد جداً وبعزه “.
وشدد زاهر:” أنا عندي نصيحة؛ جمهور الزمالك تعبان وفي حالة ضغط كبيرة مش مستحمل المشهد اللي حصل”.
وأضاف: “كابتن أحمد سليمان لو وصل مع المجلس لطريق مسدود، لابد إنه يقدم اعتذار أو يقدم استقالة ويرحل، ويطلع يشرح كل أسبابه ويسيب المجلس يكمل”
وتابع زاهر:” كابتن أحمد سليمان قضى فترات في نادي الزمالك كبيرة جداً وعمل إنجازات كبيرة مع المستشار مرتضى وفي وقت تاني، وكانت صفقات وكان أمور جيدة. لو هو بالوضع ده وإن فعلاً ما فيش دور وفيه خلافات، أعتقد الجمهور هيشيد بيه جداً لو رحل، أفضل من الوضع الحالي”.
وواصل:” لابد إنه يطلع ويشرح التفاصيل ويشرح الأسباب، لأن الأسباب دي لازم الجمهور يعرفها.. لكن دلوقتي إحنا في كل حديث بنقول ‘فيه حاجات كتيرة جداً مش هنتكلم عليها غير في نهاية المدة’، طب ما خلاص الناس حاسة إن المركب في أزمة وهتتأزم أكتر”
وأختتم: “الحقيقة الإحباط بيسيطر على الموقف، لازم تبقى مصلحة الزمالك قبل كل شيء. كل الاحترام للجميع ونتمنى لهم يا رب كل التوفيق، والأفضل إن شاء الله لنادي الزمالك”.
