وجه عبدالحليم علي،نجم الزمالك السابق،رسالة هامة لمجلس إدارة النادي، وطالبه بضرورة مصارحة الجماهير بما يدور داخل القلعة البيضاء.
وقال علي، خلال تصريحات تليفزيونية عبر قناة”أون سبورت”: “القضية إن أنت لما بتقع تفكر هتقف إزاي، وهي الحاجة كده خلي بالك في الكورة وغير الكورة”.
وأضاف:” إنما إن أنا كنت بتكلم معاك قبل في الفاصل، أنت سايب الدنيا بتنهار ليه؟ وبعدين معتمد ليه على المنطقة التانية؟ وفين الاستثمارات بتاعتك؟ وفين الرؤية بتاعتك والتطوير بتاعك؟ مش شايفينه، مش شايفين حد يطلع يتكلم مع الناس أو يوضح الرؤية أو المرحلة اللي جاية”.
وشدد علي:” لا، في حلول.. حلول كتير جداً.. واببتدي من تحت واطلع اتكلم مع جمهورك، جمهورك هو النبض بتاعك هو اللي هيساندك”.
وتابع: “طمنه وقول له إحنا في الفترة المرحلة الجاية هنعمل ده وهنعمل ده، هتلاقيه واقف جنبك بس بقاله ملامح.، وأنت عارف جمهور الزمالك بيقف معاك في الشدة قبل الرخاء”.
وواصل:” فبالتالي فيه حلول، لا أنا شايف المشاكل اللي عندك محتاجة لما أنت ممكن تبتدي توضع حلول، تبتدي تاخد قرارات، تبتدي تجيب”.
وزاد علي:” خلاص جبت كابتن معتمد، قوّي الجهاز بحد من أبناء الزمالك، اعمل لجنة كورة، حد أخطأ أو حد مش موفق قُل له كتر خيرك بالشياكة برضه لازم يبقى في شغل واقعد مع اللعيبه الأجانب واحترمهم وقدرهم”.
وأشار:” إيقاف القيد اللي جالك بسبب الأجانب اللي انت جبتها .. مينفعش مرحله الصمت دي ادينا ملامح ورؤية واحنا وراك”.
وأتم: “في حلول ولو انت معندكش حلول يبقى يتوجد اللي يبقى عنده حلول”.
