رضا عبدالعال يفتح النار على حسام حسن بعد الهزيمة: “نكدت علينا ومش من حقك تروح كأس العالم”!
شن رضا عبدالعال، نجم الكرة المصرية السابق، هجومًا حادًا على حسام حسن، المدير الفني لمنتخب مصر، عقب الخسارة المؤلمة أمام السنغال في نصف نهائي كأس الأمم الإفريقية.
وفي تصريحات حادة نشرها عبر منصة «يوتيوب»، قال عبدالعال: «الفترة المقبلة هتسمعوا بلاوي عن اللي حصل في المعسكر، في حاجات كتير غلط».
وتطرق عبدالعال للأداء الفني والاختيارات داخل المنتخب، متسائلًا عن خروج أحمد فتوح: «بتقول إصابة، بس شكله مش إصابة. إنت عايز تلاعب تريزيجيه لكن مش على حساب فتوح».
كما وجه عبدالعال انتقادات لأسلوب اللعب قائلًا: «إنت بتدافع وخلاص ومش عارف بتلعب على إيه، هو ده منتخب مصر؟»، مضيفًا: «الحب والكره هو اللي عمل فيك كده، كوبر اللي مكنش ليه في التدريب وصلنا نهائي أمم أفريقيا وكأس العالم».
واختتم نجم الأهلي السابق تصريحاته بغضب: «نكدت علينا وعلى الشعب المصري، ومش من حقك تروح كأس العالم، عملت إيه؟ إحنا ملعبناش كورة».
