كشف الإعلامي أحمد شوبير، كواليس بيان إعتذار إمام عاشور،لاعب الأهلي، بعد تمرده ورفضه السفر مع الفريق لخوض مباراة يانج إفريكانز ومن كتب له البيان
وقال شوبير، خلال تصريحات تليفزيونية ببرنامج “الناظر”، عبر قناة “النهار”:” حديث الساعه امام عاشور، الحمدلله والشكر لله قولت حاجات مهمه وحقيقية لا لبس فيها علي الاطلاق واجتهدنا فيها لان الموضوع مش سهل لانه تخلف احد اهم نجوم الفريق عن مباراة مهمه للاهلي”.
وأضاف: “بعد تخلف امام عاشور كابتن وليد صلاح الدين اخد قرار ايقاف وحرمان وقال لكابتن الخطيب قال شوفوا الغرامه الماليه
وشدد شوبير:” هتوقف عند قصه وليد صلاح الدين علشان الفيلم اللي بيتعمل على اي حد بيتعمل على وليد واتهامه بافشاء اسرار الفريق هو يصرح بالمسموح ويؤدي مهمته ودوره هل ده افشاء اسرار؟ ونحن بيتم تهامنا بافشاء الاخبار احنا شغلتنا الخبر طول عمرنا “.
وواصل:” الحمله على وليد ممنهجه تماما، زي الحمله على احمد الجارحي مدرب السله ومفيش صوره له بتنزل على مواقع الاهلي
اللي بيمشي بيمشي ع هوا النادي مش اشخاص، شوف الجارحي ياكابتن خطيب بنفسك وشوف بينزله صوره وصلت الصور بتتقص وبينزلوا كوعه من يدير الاهلي ادارة الاهلي ومش اشخاص القصه شغاله عليه”.
و أردف شوبير:” اللي حصل امام عاشور عمل بيان، وامبارح تواصل متاخر مع وليد صلاح الدين وفي قول انه تواصل كابتن خطيب ونشر البيان اليوم، الطبيعي ان امام يكون مع الفرقه او يروح المطار يشرح حالته الصحيه انا دايما في صف اللاعب مش مع الاعدام
لكن في امور متقدرش”.
واختتم:” البيان بتاع إمام اللي كتبه المركز للاعلامي للاهلي وحصل تواصل منهم مع امام وقالوا له هظبط لك البيان وهو وافق وقالهم اللي تشوفوه”.
