كشف الإعلامي أحمد شوبير، عن تفكير صادم من إدارة الزمالك بشأن لاعبي الفريق الأول لكرة القدم بالنادي،
وقال شوبير، خلال تصريحات تليفزيونية عبر برنامج “الناظر” على قناة *النهار”:” عندنا في الزمالك خبر مهم وده جبناه من داخل نادي الزمالك نفسه “.
وأكمل:” نادي الزمالك بدأ يفتح باب إنه يبيع اللعيبه علشان يوفر فلوس المستحقات’.
و تابع شوبير:” بيقولك أنا ممكن أبيع لاعب واخد فلوسه احل بيها مستحقات عشر لاعبين”
وواصل:” أنا بقولك خبر زي ما جبتلك يانيك فيريرا قولتلك امبارح جون إدوارد طلع قال نفس الكلام والنادي طلع قال إنه مش بيعمل حاجه غير بالتنسيق معاه، يانيك فيريرا قال ١ على عشره من اللي قاله جون إدوارد لكن ده على قلب البعض زي العسل”.
وأشار شوبير: “حد يقولك علشان يانيك فيريرا اتكلم معايا أنا بثير الفتنه، اي فتنه دي!! اي نوع من أنواع الفتنه طيب’.
و أضاف:” لما تطلع عضوه مجلس إدارة تقولك اللي قاله جون إدوارد كله صحيح، طيب ما اللي قاله يانيك فيريرا صحيح حضرتك”.
وأختتم:” فالزمالك فعلا بيخطط لبيع لاعبين علشان يوفر فلوس المستحقات اللاعبين، بيراميدز يستهدف ضم ناصر ماهر من الزمالك في فتره الانتقالات الشتوية”.
