أثار الإعلامي أحمد شوبير، الجدل بشأن استبعاد محمد صبحي، حارس مرمى الزمالك من مباراة المصري البورسعيدي، ضمن منافسات بطولة الكونفدرالية.
وقال شوبير،خلال تصريحات متلفزة عبر برنامج “الناظر”، على قناة” النهار”:” الزمالك أعلن قائمته، محمد عواد ومهدي سليمان ومحمود الشناوي، مش عارف محمد صبحي فين؟ هل مصاب ولا إيه؟ معنديش فكرة يعني ولا مستبعد”.
و أضاف:” الراجل راجع من المنتخب، هل هناك اتفاق إذا كان مش هيلعب على الأقل يبقى مش موجود في القائمة؟، ده أمر أنا مبحبوش، أي لاعب هو تحت أمر النادي”.
وشدد شوبير: “وبالتالي صبحي ده أنا عارفه ده ولد مؤدب جداً ومن حراس الموهوبين عشان تبقوا عارفين يعني، لكن لو النادي شايف إنه مش هيبقى موجود يعني أو هو مش هيتحط في القائمة الأساسية أو مش هيلعب، يكون موجود مع الفرقة يعني، وحتى لو حارس تالت”.
وأنهى:” في أكتر من كده؟ حتى لو حارس تالت أنت تحت أمر النادي يعني في الاخر”.
