هاجم الإعلامي أحمد شوبير، المركز الإعلامي للأهلي بسبب وليد صلاح الدين، مدير الكرة بالأحمر، وطالب محمود الخطيب رئيس النادي بالتدخل.
وقال شوبير،خلال تصريحات تليفزيونية عبر برنامج “الناظر”، على قناة” النهار”:” هتوقف شوية عند قصة كابتن وليد صلاح الدين، لأنه الفيلم اللي بيتعمل كل فترة على حد يعني مش على الهوا، شغال على وليد صلاح شغال يعني بحذافيره، وبتهمة إن وليد صلاح الدين يفشي أسرار الفريق”.
وتابع:’ ده هو مدير الكورة، ده بيصرح، ده هو بيتكلم، ده هو بيرد على التليفونات.. والراجل مشكوراً بيرد على تليفونات كل الناس وبيقول ما هو مسموح بيه ولا يخرج أبداً عن النص”.
وأكمل شوبير:” هل ده نشر أسرار؟ هل ده نشر أسرار إنه الراجل بيأدي مهمته ودوره؟ وإحنا طبعاً أكتر ناس بينوبنا من الحب جانب يعني، لأن إحنا محبوبين قوي في الحتة دي يعني، أكتر ناس بينوبوا من الحب جانب في الاتهامات إنه يعني كذا وبيخص كذا وبيختص كذا.. إحنا طول عمرنا بتوع أخبار، ده من أيام ما كان وليد صلاح ومحمد رمضان وسيد عبد الحفيظ بيلعبلوا كورة “.
وأشار:” فالحملة على وليد ممنهجة تماماً، زي الحملة على أحمد الجارحي مدرب الباسكت في النادي الأهلي اللي ممنوع منعاً تاتاً نشر أي صورة له داخل أي علاقة بالإعلام في النادي الأهلي! وارجع للصور، ده في مناسبة كان فيها 122 صورة حطوا صور لـ 121 واحد ما عدا أحمد الجارحي”.
وواصل شوبير: “نفس القصة، إياك إنك تخالف، أنت تمشي على هوايا.. اللي بيمشي بيمشي على هوى النادي وليس على هوى أشخاص”.
و أضاف:” دي نقطة مهمة جداً وأرجو من الكابتن محمود الخطيب رأساً أن يتابع الأمور اللي أنا بقولها دي رأساً، يا كابتن خطيب شوف أحمد الجارحي هل بتنزل له صور؟ هل بتنزل له أخبار؟ ده وصلت إن الصور بتتقص عشان ونشوف كوعه ونتغزل في جمال كوع أحمد الجارحي! حضرتك بس راجع هذه الأمور يا كابتن خطيب”.
وزاد شوبير:” من يدير النادي الأهلي هي إدارة النادي الأهلي وليست أشخاص، ولا حتى الكابتن خطيب.. إدارة النادي الأهلي هو دايماً كدة يقولك الإدارة جماعية وهو نفسه بيقول كدة”.
وأستأنف: “فالقصة إيه، شغالة بقى وإن القرار كان فلان وفلان وعلان، هذا الأمر في مدير كورة ولما جه كتب صلاحياته واختصاصاته وتمت الموافقة عليها، كابتن وليد صلاح الدين من حقه يتكلم عادي، دوره مدير كورة وحقه لأن أنت ليس لديك متحدث وليس لديك منسق إعلامي للفريق”.
واستطرد شوبير:” أنت لما جبت محمد ثابت ولما جبت الدكتور عادل كريم ولما جبت محمد السيسي ما عمروش تلات أربع خمس شهور ودول كانوا متحدثين باسم الفريق، لكنه هذا الأمر يعني في النادي الأهلي مبيحصلش، فمدير الكورة هو اللي بيقوم بهذا الدور”.
وأكد: “ما هو كابتن محمد يوسف المدير الرياضي بيطلع في برامج ضيف بيقول تصريحات ولا أنا مش واخد بالي؟ والكابتن سيد عبد الحفيظ وهو مدير الكورة كان الراجل بيقول تصريحات وبيتكلم وبيحكي برضه في نفس الإطار اللي بيتكلم بيه أو بيتكلم عليه كابتن وليد صلاح الدين، لكن وليد صلاح الدين مش على الهوا أوي عند البعض يعني”.
وأختتم:” لكن القصة حدوتة تانية ماينفعش نتكلم تاني لأنه الأهلي عنده مباراة بكره في هذا الأمر وربنا يدينا العمر برضه هنتكلم في التفاصيل بالكامل يعني”.
