وجه الإعلامي أحمد شوبير، تساؤلات نارية لمسئولي النادي الأهلي بعد التعاقد مع عدد من الصفقات بداية الموسم والان يقوم بإعارتها.
وقال شوبير، خلال تصريحات تليفزيونية ببرنامج “الناظر”، عبر قناة “النهار”:” والله العظيم لا أطعن في احد والرزق بتاع ربنا، جبت بعض الاسماء للاهلي وجميل بتعمل صفقات هقول كلمه للجمهور وكلمه للأحمر، مفيش نادي بيعمل 10 صفقات ده اسمه جنان انا بعمل صفقات وفق احتياجاتي”.
و أضاف: “جراديشار الناس اتوسمت فيه خير ولكن بعد وسام ابوعلي ابتعد، والجمهور قبلها هاجم وليد ازارو وهو الان متألق مع فريقه”.
وشدد شوبير:” هجي على صفقات محليه للاهلي، اشوفها نجحت ولا لا، اخر صفقات محليه كانت مصطفى العش الاهلي بيفكر يطلعه وأحمد رضا وده طلع، وبيكهام وسيحا هيخرج ومحمد شكري محدش عارف موقفه حتى يوسف ايمن مكملش، وعمر الساعي وحاليا متألق مع المصري، كل دي صفقات محليه، هل كل الصفقات نجحت، ممكن صفقات متنجحش في انديه وتنجح في اخرى”.
وتابع: “الاهلي في الصفقات محلية هل الدنيا ناجحه؟ او النادي بيقعد وبيختار بشكل جيد او لا”.
وأختتم:” الجماهير عاوزة لعيبه من بره ولكن عندك مشكله هتطلع مين من الاجانب؟ “.
