شوبير يُفجر مفاجآت مُدوية بشأن ملف صفقات الأهلي الجديدة: حسم انتقال لاعب الزمالك السابق!
كشف الإعلامي الأحمر أحمد شوبير عن تطورات جديدة ومهمة في ملف الانتقالات داخل النادي الأهلي، موضحًا حقيقة ما تردد حول بعض الأسماء المطروحة على طاولة التعاقدات، وموقف النادي من عدد من اللاعبين، إلى جانب كواليس خاصة بمستقبل بعض العناصر الأساسية والصفقات المحتملة، مؤكدًا أن جميع المعلومات التي طرحها جاءت استنادًا إلى مصادر موثوقة من داخل القلعة.
وقال شوبير في تصريحات عبر برنامجه الإذاعي اليوم الإثنين: “قرينا كتير إنه كابتن سيد عبد الحفيظ كان في هولندا وكان مرشح له أحد وكلاء اللاعبين لاعب اسمه مونزيالو ده بيلعب في نادي دين بوش الهولندي، وكلام إن الكابتن سيد راح اتفرج عليه يعني ممكن يكون راح فعلًا، يعني اللي اجتهد أصاب ما أخطاش، لكنه ما فيش قناعات باللاعب، والنادي الأهلي رفض هذا اللاعب تمامًا، يعني مش موجود خالص، مش موجود في حسابات الأهلي تمامًا.”
وأضاف: “في كلام بقى إنه رايح على النرويج عشان يشوف لاعب تاني اسمه السن كاموتش، أنا بس بقول لك لما تيجي حاجة أقولها لك وأنا ما يبقاش عندي قناعات إن الخبر صح أو غلط، مش قناعات باللاعب، بس لما يكون عندي معلومة إن اللاعب مونزيالو ده خلاص مش في حسابات الأهلي خلاص بقول لك معلومة، بقول لك معلومة من مصادر، يعني ما بقولكش معلومة اجتهاد خالص.”
وتابع شوبير: “زي مثلًا ما قلت لك ديانج، دي عند الأهلي كانت معلومة من مصادر، فجأة جاله العرض اللي من الدوريات الخمسة الكبرى، قلت لك إنه موجود وإن في عرض موجود وبالتالي تغير الرأي، وبقول لك دلوقتي أهو من دلوقتي إن الراجل مش هيمشي، ديانج هيقعد معاه الست شهور دول.”
وأوضح: “هل يستمر العرض اللي بيقول إنه إسباني، على فكرة نادي جيرونا نفى تمامًا أي اهتمام ليه بديانج، لكن هل لو تم رفض العرض ده اللي جاي من أحد الأندية الإسبانية زي ما بيقال، فديانج هيكمل الست شهور أو هيكمل نهاية الموسم اللي هي نهاية خمسة، يعني هم أقل من ست شهور، أربع خمس شهور، هل ممكن يحصل في الأمور أمور؟ جايز الله أعلم، لكن أنا بقول لك الموقف أولًا بأول.”
واستكمل حديثه قائلًا: “طيب طالما اتكلمنا على الأهلي، مروان عثمان خلاص وكان موجود في النادي الأهلي امبارح واتصور ووقع وكل شيء، وانتهى الموضوع بالنسبة لمروان عثمان.”
وأضاف: “أما بالنسبة لجرادي شار، اللي أنا قلته امبارح بقوله النهارده وهقوله بكرة، جرادي شار الأهلي لن يفكر في التخلي عنه وتركه للدوري المجري إلا في حالة إنه تعاقد مع مهاجم أجنبي، بس غير كده ما فيش حاجة خالص في موضوع جرادي شار.”
وأكمل شوبير: “الراجل بيقول لو عندي مهاجم أعلى أهلًا وسهلًا، ما فيش يبقى كمل لي خلي لي جرادي شار، يبقى جرادي شار ومروان عثمان وأحمد شريف موجودين، وغالبًا على فكرة حمزة عبد الكريم مكمل الموسم مع النادي الأهلي، نعم غالبًا حمزة عبد الكريم مكمل الموسم مع النادي الأهلي.”
وأضاف: “فالأهلي يبقى عنده أربع مهاجمين، والبحر يحب الزيادة، فريق بيلعب على بطولة الدوري وبيلعب على بطولة أفريقيا، دول البطولتين اللي بيلعب عليهم الأهلي دلوقتي، لأنه خرج من كأس مصر في مفاجأة مدوية أمام فريق القسم الثاني نادي وي.”
وتابع: “وده بالنسبة لموضوع المهاجمين والانتقالات داخل النادي الأهلي، أحمد عيد الظهير الأيمن نادي المصري خلاص خلص وبقى لاعب في النادي الأهلي.”
واستمر شوبير في تصريحاته قائلًا: “كمان فخوري لاعب الأردن في الحسبان، وايل لاعب أربيل العراقي أيضًا، بس دول عشان تحت السن، فالنادي الأهلي شغال عليهم، هادي رياض حسب ما يحصل الاتفاق على طريقة التسديد، لأن بتروجيت عايزين الفلوس مباشرة، والأهلي قال لا بالتقسيط، لكنها قضية بتنتهي.”
وأوضح: “أما بالنسبة لعمر كمال عبد الواحد فخلاص أصبح لاعب في سيراميكا، وفي لاعب تاني محبوب جدًا لدى جماهير النادي الأهلي، بتحبه جدًا لأنه مؤدب وأخلاق وجوكر وبيلعب في كذا مركز، وكان على وشك إنه ينتقل في الصفقة دي، لكن لا محمد عبد الله ولا عمر سيد معوض هيخرجوا في الصفقة التبادلية.”
وأضاف: “سيراميكا بيجس نبض أحمد عابدين من أجل إنه يبقى إعارة في نادي سيراميكا خلال الفترة المقبلة، ولسه القرار النهائي من النادي الأهلي ما اتحسمش، لكن قالوا لو الولد عنده فرصة إنه يلعب بشكل أساسي أوكي، ومش سيراميكا بس، في نادي تاني كمان بيشتغل على أحمد عابدين.”
وختم شوبير تصريحاته قائلًا: “وكمان أكثر من نادي بيشتغل على الولاد الصغيرين عشان يبقى عندهم فرصة إنهم يلعبوا، وده بيدي فرصة للنادي الأهلي إنه يشوفهم بشكل أكثر، وبيدي فرصة للاعبين إنهم يلعبوا بشكل أكثر، ده ما يخص موضوع الانتقالات داخل النادي الأهلي بالكامل، وما فيش انتقالات داخل نادي الزمالك نظرًا للإيقاف.”
