تحدث الإعلامي أحمد شوبير عن آخر التطورات داخل نادي الزمالك، مستعرضًا ملفات اللاعبين والمدرب وفريق الشباب والمعارين، بالإضافة إلى تفاصيل العقوبات المالية وإيقاف القيد، مؤكدًا أن النادي يشهد تحركات مهمة استعدادًا للمواجهات المقبلة.
وقال شوبير في تصريحات عبر إذاعة أون سبورت إف إم”: “موضوع محمود بنتايج بقى قريب جدا من الحل وممكن بعد مباراه المصري النهارده تلاقي بنتايج نزل التدريب في الزمالك ممكن جدا لان هو كان فسخ من طرف واحد والقصه بقى كانت طويله ومثيره وشائكه لكنه انتهت يعني او حسب ما علمنا انها انتهت”.
وأشار: “وهقول لك انتهت ازاي عشان تبقى عارف القصه مشيت ازاي يعني قصه بنتايج تدخل يعني كانت قصه مستحقات حصل تفاوض معاه مع وكيله والرقم كبير حوالي 150000 دولار من الذي تكفل ومن الذي تصدى لهذا الامر استاذ ممدوح عباس ايوه استاذ ممدوح عباس رئيس نادي الزمالك السابق وبالتالي غالبا غالبا سترى اللاعب في التمرين غدا باذن الله ادي بنتايج اولويه صرف المستحقات”.
وأضاف: “خلي بالك الزمالك كمان عنده مشكله مش فقط العقوبات اللي موجوده عليه في ايقافات للقيد لا الزمالك عنده بعد موضوع سحب الارض والناس اللي كانت دفعت فلوس فالناس بتسترد فلوسها ده كان مبلغ وقدره يعني فالزمالك عمال يسدد هذه المبالغ الماليه الضخمه يعني فما يعني يبدو انه هو الاقرب او ما يبدو انه نهائيا فعلا انه ا الزمالك مش هيفك ايقاف القيد ما يبدو كده يعني”.
وواصل: “لانه في مستحقات كتيره جدا متاخره لفريق الكرة وفرق الصالات من اولها لاخرها فاداره النادي بتقول لك والله انا يعني هحسم اني اعمل استقرار داخلي انه ده مهم جدا ان انا مش مش هروح افك القيد عشان اشتري ثلاثة أو اربعه خمسه لعيبه ويبقى علي التزامات ماديه ثاني من اول وجديد تبقى مشكله بالنسبه لي والدنيا عندي تبقى مولعه فبالتالي لا خاصه انه اللي عرفته يعني انه اللي خدوه اللعيبه من المستحقات شهر نعم شهر اول عن اخر بجد اه والله وعلى فكره اللعيبه قالت لك ماشي ما عندناش مشاكل”.
وأردف: “والمدرب قال لك 40000 دولار انا احساسي معارفش غلط ولا صح يعني لانه تابعت في ام صلال في قطر تم الاستغناء عن خدمات كارتيرون باتريس كارتيرون اللي كان عمل شغل كويس جدا مع الزمالك هو في المركز الاخير في جدول الدوري العام باتريس كارتيرون فالنادي فك التعاقد معاه بالامس وبالتالي باتريس كارتيرون اصبح فريق جمهور الزمالك بيحبه دي حقيقه يعني وهو مدرب كويس فهل ممكن يكون باتريس كارتيرون هو المدير الفني القادم لنادي الزمالك؟”.
واستمر: “جاهز يعني انا اخد بال حضراتكم يعني ده انا بس يعني ايه زي ما بيقولوا كده ايه بحط البازل على بعضه يعني بحط التركيب كده اشوف الدنيا شكلها عامله ازاي ده بالنسبه موضوع المدرب لكن الزمالك مش هيدفع ابدا فوق ال 40 50000 دولار والدنيا 40000 دولار مش 50000 فضلا يعني اعتقد انه هذا الامر خلاص كده انتهى بالنسبه ل موضوع المدرب في نادي الزمالك”.
واسترسل: “محمد السيد جدد عقده زي ما قلنا وكان موجود واتمرن وفي القايمه بتاعه مباراه اليوم ايه ده يا كابتن جاي من بعيد كده على القايمه لا ما انا قلت لك من الاول هو كان بيتمرن بس النادي كان مجمده ففي النهايه وصلوا الى اتفاق والى اتفاق والولد ايه دخل القائمه”.
واستكمل: “يعني كمان احمد حمدي واقف مع وخلي بالك محمد سد لعيب كويس قوي قوي يعني كمان ا احمد حمدي احمد حمدي موجود في القائمه وممكن نسمع خلال الايام القليله القادمه ايه التجديد معاه خصوصا مع رحيل ناصر ماهر وثاني وثالث والف احمد حمدي لاعيب جيد جدا ولاعب هايل وهفضل اقول للزمالك انه هذا اللاعب صاحب هدف الفوز بالبطوله الكونفدراليه فبالتالي انا شايف انه لاعب مهم ولعيب انه ا وجوده ثاني وعودته مكسب لنادي الزمالك وممكن يبدا نادي الزمالك يفتح ملف التجديد معاه مره اخرى لو اللاعيب كان منفتح على التجديد ا طبعا كانت العلاقه توترت لكنه في النهايه كل شيء بيبقى قابل للتفاوض وده بيبقى شكل جيد”.
وتابع: “الشباب زي ما قلت لك الاسماء المرشحه للقيد داخل نادي الزمالك فالزمالك قيد مين بقى سيد اسامه ومحمد ابراهيم واحمد مجدي واحمد خضري ومحمد حن من لاعيب الشباب وده كويس اوربا درات النافاعه يعني انت ما على فكره لو الزمالك كان القيد مفتوح ولا كنت هتشوف لاعيب من دول موجود في القائمه بتاعه نادي الزمالك لكن اهو تواجده وموجودين وكويس وفرصه للولاد دي ان هم يلعبوا”.
وأشار: “انا بس عايز احي قصه هي للاسف طبعا عشان بس الناس ما تربطش لكن هي ارتبطت شويه بمصطفى شوبير شوبه يعني يعني فاكر بعد اصابه الشناوي فالنادي الاهلي بدا يدور على حارس مرمى فاكرين كان الاهلي بقى بطوله افريقيا وقصه وحدوته فالاهلي بدا يدور على حارس مرمى وفاكرين تعاقد مع ابو جبل وبعدين التعاقد ما نفعش وراحوا لسيراميكا عشان يجيبوا محمد بسام بسيراميكا قالوا لا طب ادونا مصطفى شوبير على سبيل الاعاره شغلانه وحدوته يعني فجت الفرصه هنا الحارس بقى الحارس مصطفى شوبير حارس واحد جت له الفرصه انه يلحق فلعب فربنا اكرمه ادى بشكل جيد ماشي بقى الدنيا مشيت معاه بقى”.
واستكمل: “ده بقول الكلام ده ليه انك انت كعيب لازم تستغل الفرصه ما تفرقش بقى معاك انك كنت هتلعب ما كنتش هتلعب لازم تستغل الفرصه عشان كده كمان انا مندهش جدا من فكره انه محمد صبحي مش موجود في القائمه يعني لما سالت يا جماعه ليه قالوا لي معرفش هو مش عايز يقعد احتياطي بس ما عنديش معلومه مؤكده عشان برده مظلموش يعني هل فعلا مش موجود عشان ما بيقعدش احتياطي او رافض انه يقعد احتياطي بجد ولا الكلام ده ايه ما عنديش فكره اتمنى انه صبحي صبحي ما شاء الله انا اعرف صبحي يعني ما التقطش معاه كتير بس انا عارف ان ولد ملتزم ومنضبط ومحترم فاتمنى ان الحاجات الصغيره دي كلها تخلص بس اللي اتمناه ان الاولاد الصغيرين بسرعه بسرعه ينستجموا ويستغلوا الفرص دي”.
وشدد: “أحمد الجفالي اللي كان معار لصفوف ابها السعودي رجعاني للقاهره ليه اتفسخ عقد اعارته مع النادي ابهى السعودي طب وبعدين اصله كان في اصابه وتاهيل فرجع يعمل ايه يستكمل عقده مع الزمالك استكمل عقده ازاي يعني ما هو الراجل راح ا يعني مشي بس هتقول لي كان معار ما انا عارف انه كان معار فرجعاني لنادي الزمالك يعني ما كانوش مشوه يعني لسه الجهاز الفني ما حسمش مصيره يعني لكن ما علمناه يعني انه كابتن معتمد جمال هيشوف لانه لو انه سليم وجاهز بدني هيدي له فرصه في التدريب ويقدم نفسه لانه كمان مركز الجناح الهجومي ده محتاج دعم في الزمالك بس لا بصراحه هنا جماعه في حاجات غريبه جدا يعني انت جايب لعيب ومحترف ومن تونس ودافع فلوس وتقول هشوفه ينفع ولا ما ينفعش امال تعاقدت معاه ازاي باي اماره انت تعاقدت معاه بمنتهى الامانه يعني بحاجات تحير يعني او حاجات تجنن”.
واختتم شوبير: “الزمالك يعني بحاول تبقى اخباري شويه متفائله جهه نادي الزمالك يعني اللاعيبه المعارين زي محمد عاطف المعار لطلاع الجيش سجل هدف في الاهلي في بطوله كاس عاصمه مصر هدف الفوز لو تفتكروا ف ومصطفى الزناري دول اسمائهم مطروحه طب تقول لي ما هو الزمالك موف من القيد لا المعارين من حقه اللي عايز يرجع يرجع 1000 مليون اهلا وسهلا فالزمالك هيشوف الاسبوع الجاي القصه شكلها عامله ازاي عشان يحسم هذا الموقف هل يعيد السناري ويعيد محمد عاطف خاصه في ظل الازمه العدديه للاعبين اللي موجوده عند نادي الزمالك هذا الامر كله هيحسم الاسبوع المقبل باذن الله زي ما قلت لك الزمالك منفتح على بيع او اعاره سيف جعفر لكن قال لك انا يعني ماشي ببلاش ليه يعني قال لك عيب يعني في بيقولوا انه في عرض ثاني عربي جاي لسيف جعفر نتمنى بس الولد بيلعب وما يظلمش في هذا الامر”.
