كشف طارق يحيي، نجم الزمالك السابق،عن حقيقة وجود خلاف بين لطارق مصطفى مدرب البنك الأهلي الأسبق، وجون إدوارد المدير الرياضي للفارس الأبيض.
وأضاف يحيى،خلال تصريحات تليفزيونية عبر برنامج “الناظر” على قناة” النهار”:” طارق مصطفى مدرب مطلوب باستمرار.. وانا نصحته لما الكلام تردد عن إن الزمالك عايزه ”
وأكمل :’ قولتله استخير لان الظروف صعبه ونسبه النجاح مش عاليه لان الظروف نادي الزمالك حالياً صعبه جدا في لعيبه بتفسخ عقودها وناس عايزة تمشي وفي أزمة قيد”.
وأشار يحيى:” الزمالك عايز ساحر مش مدرب .. ده بيتنا طبعا ونشتغل في الظروف دي لان ده حق النادي علينا لكن لازم يعرف هو داخل على ايه”.
و تسائل الإعلامي أحمد شوبير :” بيقولوا العلاقة بين طارق مصطفى وجون إدوارد مش على ما يرام وكل ما اسمه يطرح يترفض”.
ليجيب يحيي:” لا مفيش حاجه من ناحيه طارق مصطفى واي حاجه بتتقال يسأل فيها جون إدوارد “.
وعاد شوبير و سأل:” طيب لو اتعرض عليك تشتغل في الزمالك حالياً هتعمل ايه؟”
ليرد يحيى:” ده بيتنا واشتغل فيه في اي وقت وتحت أي ظروف وانا اشتغلت في ظروف صعبه، أنا قولت لطارق مصطفى استخير بس علشان هو هيبقى داخل على مرحله صعبه”.
